Tlehhema'aá ya/Abuuse 7:51 - Biblía Axweesantá Hhohho' ar Mungú 2004

⁵¹ «Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Ya/abtór hho' 1977

⁵¹ “Kuungá' tundu sage gawdén. Slám munerhúng nee iiaahúng a adór taqár múk Mungú xua'aaká. Umuúqo daqto kuungá' Qeeruú hhoohhoó' un siaiindá' adoodár baabi'iihúng sleeme naa tleehhiyé'.

Tlehhema'aá ya/Abuuse 7:51 Iomraidhean Croise

2 WAAWITÁ 17:14

Ala inooín tí ngaa iiárií qaasi'iiká, inooín kin sage gawden adór baabi'ii'ín kudá' AAKOÓ MUNGÚ, Munguúín, ngwa si'iye' haratlintaooro.

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

NEHEMIA 9:16

Ala inooín nee baabi'iirén tay daara/uút, da/ewer'ín ngay gawdeesiyé', hara'ayarók eeharto ngari si'iyé'.

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

WARA'AMI 75:5

Miti kiloohúng xirfayeemisaara', sleeme ma axweesara' ar sagagawdu.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

TI'INAANGW 32:9

AAKOÓ MUNGÚ Mose guri male báy, «Aníng mukwí ugwa ár, nee ga/aaweek, adór tar múk sageegawdén.

TI'INAANGW 33:3

Ta hardatá' baraá yaamuudaá diíhhooár ilwa nee dane. Ala aníng nee kuungá' ti alkoomanaaká, asma kuungá' a múk sagegawdén, aluuwo aníng kuungá' nu baraá loohírí hhaamiís.»

TI'INAANGW 33:5

Adoorí kana tleéhh, asma AAKOÓ MUNGÚ Mose guna báy, «Xoorór Israeli ka beer, ‹Kuungá' a múk sagegawdén, aníng nee kuungá' birtin alkoomana har afi qoomár niina, aqo nun hhaamiís. Gimsé' xosluuhúng kudaá parooti qafimaak, as daqaní aníng gár ni kuungá' i tleehh a xuú'.› »

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 17:23

Ala baabi'iihúng aníng iga iiárií qaasi'iiká nee iga hhasliti'iiká, ala inooín sager'ín ngina gawdeesiyé', tidá' naa oó' ngina si'iyé', nee intsaahhasar'eé' ilaooharo gina si'iyé'.› »

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

ESEKIELI 2:4

Mukwí ku sage gawdén, nee aníng iga ilaiwa/amér i tleehhi'iiká. U ya/aáw amor'ín, kuúng inooín ki beer, ‹Aakoó MUNGÚ gár i kaahi a tí.›

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

FAARO 27:14

Asma kuungá' axweesante'eé' ana sié' baraá xaanxayduú Siniro. Qoomár dinku'uuma sleémeero ar Israeli iwa qununú/ daanduueene, kuungá' hhohhoaarir'eé' aga laqaandi'iiká dír ilaá múk Israeliro, dír ma'aydae.» (Ma'ayká' a kudaá baraá Meribár baraá Kadeshi, tidár baraá xaanxoó Sini).

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tlehhema'aá ya/Abuuse 7:27

Ala kudá' kuqá' i giliím, Mose guri amorqií tliwií/, iri oó', ‹Heé kuúng ugwa geeraharusmoó wa qaas, nee tawa har'ohusmoorén, a heemá?

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

Tlehhema'aá ya/Abuuse 7:39

«Heewí baabi'iirén ngwa slai'iiká ilaiwa/ameero, ala kuna sií' amór saáw i alé, nee baraá muner'ine tari kií/ Misri.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Rumi 2:25

Kuúng barnaxes hara'ayár Mose aga iialooés, daqaní al/utloorók i gaa bú'. Ala kuúng barnaxes hara'ayár Mose aga sí', daqaní al/utloorók i gaa bu'uká.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 10:16

Gawaá adoorihe munerhúng hheehhe'eesaak nee ma ki/aara' saga gawduuwo.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 9:13

«Slám AAKOÓ MUNGÚ iri malé báy, ‹Mukwí ugwa tsaáhh, ku ló'wa sagegawdén.

DABE 9:6

Naagáy xuaak AAKOÓ MUNGÚ, Munguúhúng yaamuuká' hhoohhoo' ngin kuungá' i hanisiiká kiwa ala', as kuungá' tawa hota gana'a', asma kuungá' a múk ló'wa sage gawdén.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Kolosai 2:11

Sleeme kuungá' nee inós tawa aldinku'uumisé' tunduna al/utlín, ala ar al/utlór slaqwtooká, ala aqo ar al/utlodár Kristó kilá', slaqwtahúng tidár tlakweema kawa hingesé'.