Tlehhema'aá ya/Abuuse 7:45 - Biblía Axweesantá Hhohho' ar Mungú 2004

⁴⁵ Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

Ya/abtór hho' 1977

⁴⁵ Aluuwo bariiseerén heémarí gari ilaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geerá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

Tlehhema'aá ya/Abuuse 7:45 Iomraidhean Croise

1 WAAWITÁ 8:4

Naagáy múk tlahhoó Laáwi nee kaahamuuse sandakmoó alqadór AAKOÓ MUNGÚ nguri gagaariyé', nee heémaadár Munguhe, nee xosluudá' hhohho' ar doó Mungú ar baraá heémaadií dirii'.

1 QOM'I 16:39

Waawutmo Daudi kaahamusmo Sadoki nee hhaeewós kudaá kaahamuuse gina máy tawa gadiyuusi geeraá heémár AAKOÓ MUNGÚ wa ale, tidár didá' gáwtí dirii' baraá Gibeoniro, didár ilahhooa,

1 QOM'I 21:29

Asma heémadár AAKOÓ MUNGÚ tidá' Mose aa tleéhh baraá xaanxaywo, nee kitangwdá' taa ilahhooár wa da/a/án qoomaadae i amoodár gawa ar Gibeonír í dirii'iyá'.

1 QOM'I 7:27

Elishama ina laqwaál Nuni, Nuni ina laqwaál Yeshua.

NEHEMIA 9:24

Naagáy xwaylarí nay hardát yaamu ngiwa aaliya', múk yaamuudá' kuri arbaá/. Múk Kana'ani kway gawaá dabaaín i qás dinkwa nee waawitaáine nee múk yaamudae, as adoodá' i slaiya' ngiwa dir'ín i tleehhiya'.

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

DABE 32:49

«Tsa/ám gawaá tloomár Abarimu, tloomár Nebo, tidár baraá yaamaá Moabu, tidá' nee gixsár Yeriko ti ga/aawá', yaamaá Kana'ani xuuxueek, kudá' ni aalír wa haniis dír múk Israeli.

Ebrania 4:8

Yoshua geeraawo bar muu ngwa dahaás baraá hungu/umaá ló', Mungú geera kángw baalár hatlá' ngwa ooiiká.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 23:9

Asma AAKOÓ MUNGÚ xoorduudá' uren nee awa /uureemaá koomá' gina geeraahúng wa tlatlahhaás, nee heé kuungá' naa tlaampa'aas ay laarí i kaahh.

YOSHUA 24:18

Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.