Tlehhema'aá ya/Abuuse 7:42 - Biblía Axweesantá Hhohho' ar Mungú 2004

⁴² Mungú iri gurhaamuút, giri geexáy as murslaaqatuuín nguwa xirfayeemisiya', adoodá' kara gooín baraá kitaábuú aaruuseero tawa káh, ‹Kuungá' múk Israeli, hikwaadá' taa tsu/é' nee ilahhooadár muruú ta tsu/i tidá' taa hanmisé' kureeridá' mibeeri tsiyáhh baraá xaanxáy wa ale, ngina aníng i hanmisí'i?

Ya/abtór hho' 1977

⁴² Mungú iri gurhaamuút, giri geexáy as murslaaqatuuín ngu xirfeemisiye', adoodá' kara gooín baraá kitaabuú aaruuseero gídaabá, ‘Kuungá' múk Israeli, hikwaadá' nee ilahhooadá' ta hanimisé' kureeridá' mibeeri tsiyáhh baraá xanxáy wa ale, a ngina aníng i hanmisí'i?

Tlehhema'aá ya/Abuuse 7:42 Iomraidhean Croise

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 21:3

Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 19:13

Maraá Yerusalemu nee maraá waawituú Yuda, nee umuú do'o oo daárirós kawa mooyángw wa daá/ dír tsatse/ú doori, nee ilahhooadár tsipipi'iisa ar difaái kawa hanmiisi dír munguaá hatlá', marayká' sleémeero ki meetagaas adór didár Tofeti.› »

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

ESEKIELI 20:25

«Slám kaahír tlakw tidá' hee birnga eehár iwa gwaai ana haniís.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

HOSEA 4:17

Múk Israeli aa kií/ amór munguaá slaqsi'i, mawaak kilooín ale.

Yohana 6:45

Kaa gooín baraá gooír aaruuseero tawa kaahi, ‹Muu sleémeero ku intsaahhatis nee Mungú.› Gawaá adoorihe, umuúqo heewo oo Baabá gwa axaas, nee gari dirós wa intsaatsaáhh, i amor'eé' hardah.

Tlehhema'aá ya/Abuuse 13:40

Ti harmagahhe', axweesantadá' aaruuse aa kát miwa dirhúng i bó/, tidá' iwa ó',

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

DABE 17:3

inós munguaá hatlá' giri sagadiyuús nee giri sluufmiís, nee sleeme tsee/amá, nee slahhaangw tam tsatse/uú gawaá doori guri sluufmiís, kudá' aníng naa ooiiká kuwa sluufmisá',

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Ebrania 3:9

Baabi'iihúng tlehhemi'iieé' ngaa ariyé', kudá' naa baraá xaanxáy wa tlehhiít kureeraá mibeeraá tsiyahhe. Ala tam adoorihe inooín aníng ina iiara'ariyé' nee iri daawitisiyé'.

YOSHUA 24:20

Kuungá' barnaxes AAKOÓ MUNGÚ ugwa gunqaaresé', munguaá /eetuuse kiri sagadiyusé', inós aqo nun al warqáy, nuri slahh'eemiis, nuri xooro qwaarees kitangw nuwa hhooeemáy tlehhahhiít.»