Tlehhema'aá ya/Abuuse 7:35 - Biblía Axweesantá Hhohho' ar Mungú 2004

³⁵ «Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

Ya/abtór hho' 1977

³⁵ “Musawí an kudá' taa sií' nee baabi'iihúng, kuri babáy, ‘Heé kuúng ugwa qaas a heemá tawa heé úr nee tawa har'ohusmoorén.’ Ala Musawí an kudá' Mungú aa ya/aáw sleeme, tawa heé úr, nee gweerusmo, kuwa alee/iisi nee malaykamoodá' gwa i geehhoouy ar baraá kiintuú asla.

Tlehhema'aá ya/Abuuse 7:35 Iomraidhean Croise

WARA'AMI 75:7

Ala Mungú an kudá' kwasleema ga tsaát, heewí gu niinawees nee kuqá' gu xirfayees.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

TI'INAANGW 14:19

Naagáy malaykamoó Mungú kudá' aa giirin geeraá xoorór Israeli wa ale, iri tláy iri aluuín i kií/. Nee uhmooduú huunki iri quútl dír geeraaine, iri sihhiít aluuín i ale.

TI'INAANGW 14:24

Nee qoomár ságw looaaro AAKOÓ MUNGÚ slaqwaruusér Misri gari i qaytsiít ar gawaá uhumooduú asla, nee oo huunki, slaqwaruusér Misri gari amoqwaareés.

TI'INAANGW 2:14

Heedaádá' iri oó', «Heé kuúng ugwa qaas tawa heé úr daanduurene, nee tawa har'ohusmoorén a heemá? Aníng i gaasár wa slá'a adór heedaáduú Misri kura gás?» Mose iri da'ayuút, iri baraá guruuwós i oó', «Looeemaawo gadaádá' aa xu'utít.»

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

Marko 12:26

Daanduú waasle/uú múk aa qatli, án kuungá' nu yaahaás, ‹Aga soomuusi'ikáhe baraá kitaábuú Mosewo, didár kángw kitkintiro?› Didae gár taa gooín a tí: Mungú Mose guna báy, ‹Aníng a Munguú Abrahamu nee Munguú Isaka nee Munguú Yakobo.›

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Yohana 18:40

Sleémeero tari tseeamín ta kaahi, «A kwisingeeká. Baraba na gweerang.» Ala Baraba a fisusmo.

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 3:22

Asma Mose ina oó', ‹Aako Munguúhúng aarusmoó adór aníng ngu baraá tla/angwhúng wa sláy. Ala muruudá' sleémeero ni kuungá' bay na iiárií qaasaak.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Tlehhema'aá ya/Abuuse 7:30

«Kureeri mibeeri tsiyáhh niwa waarahhiyé', kuri i hardáh nee malaykamoó Aako baraá darmuú tloomár Sinai, ar asltá gawaá kitkiintír wa oh.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

Ebrania 2:2

Asma tam Axweesantadá' taa alki/iít nee malayke, a Axweesantá /uuruú koom. Nee umuúqo hee oo axweesantadá' gaa eeharahaariiká, laqaá oo gaa ilaiwawa/iiká, inós sakwasleema gari sláy adoodár inós wa hariim.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.

1 SAMUELI 12:8

Qoomár Yakobo iwa dáh baraá yaamaá Misri, baabi'iihúng AAKOÓ MUNGÚ nguna i /aa/aminé', AAKOÓ MUNGÚ Mose nee Aroni giri ya/aáw, asma inooín kina slahh'eemiís nee múk Misri, inooín baabi'iihúng kingiri duúx baraá Misrír wa alé, kingiri qaás baraá yaamuuká'.