Tlehhema'aá ya/Abuuse 6:9 - Biblía Axweesantá Hhohho' ar Mungú 2004

⁹ Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Ya/abtór hho' 1977

⁹ Do'ko doó saaliingw i deer, oo ta babay doó saalíngw múk tinda gweér baraá lawaali'iimaro nee oo múk Kirene, nee oo múk Iskanderia nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Tlehhema'aá ya/Abuuse 6:9 Iomraidhean Croise

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Matayo 27:32

Qoomár tawa ti'imiiti, heeko kuri ár oo yaamaá Kirenér daáhh, umuuwós a Simon. Heewí kuri harakeés as msalaábár Yesu ngiwa gagaari.

Marko 13:9

«Kuungá' ti harmagahhe' asma tundu huwahuuw baraá maraá kwasleema, nee baraá maraá saaliingo tundu muux. Kuungá' sleeme tundu huwahuuw dír geeraá ga/aawuuse, nee dír geeraá waawitá asma aníng, as iwa dir'ínií lamabu'uunda'.

Luka 21:12

Ala dír muruuwí sleémeero ira tleehharuutiiká, muu kuungá' nu uhín nee nu slahh'eemiis. Inooín nun huwiyá' amór maraá saaliingw, asma tunduwa sakwasleemuuti, nee tunduwa tsegiiti. Tundu geeraá waawitá i huuw, nee geeraá ga/awuuse, as aníng.

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 18:24

Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:26

Kuungá' aga aandé' nee aga axasé' adór heewí ta bay Paulo i tlehhiiti. I kaahi, ‹Munguaá ta tlehhiiti ar dabaá muu a munguiwooká.› Inós múk yaariír gwa harakeemiís guri warqeés, ala a diirír gixsár Efeso kiloseeká, ala tam baraá yaamaá Asia sleémeero.

Tlehhema'aá ya/Abuuse 21:27

Deeloodá' faanqw iwa naká/ faakmawo, mukko Yahudi oo Asiár daáhh Paulo kuri baraá Doó Mungú wa ár. Mukwí tlaahhi gari qaás dír muu sleémeero, Paulo kuri óh.

Tlehhema'aá ya/Abuuse 21:39

Paulo iri oó', «Aníng a heé Yahudi. Gixsár Tarso tina wa laqwaál, baraá yaamaá Kilikia, a yaamuloousmoó gixsár liitlakweeká. U fiririím, pa/aangw hanisang, oo nir ilawaats nee yaamuloouuseerí.»

Tlehhema'aá ya/Abuuse 22:19

Aníng niri oó', ‹Aáko, inooíná kilá' ngi xuiyá' adór kudá' kuúng ugwa haratlintii'iye', aníng ngira tsegiít nee ngira muúx baraá maraá saaliingo.

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Tlehhema'aá ya/Abuuse 23:34

Barwaádá' soómaro ngiwa hhe'eés, giri yaahaás, «Heewí oo yaamu gaalá?» Tari oó', «A heé yaamaá Kilikia.» Inós adoorí ngiwa axaás,

Tlehhema'aá ya/Abuuse 24:18

Qoomár aníng niwa baraá kaangwí i dirii', inooín iri baraá Doó Mungú i ayé', nee aníng taa qaroó hhoohhooeés. Tam boo/oó nee aníng ti koomá' i kaahh, laqaá tlaahhír ni qamiim i káhh.

Tlehhema'aá ya/Abuuse 26:11

Baraá maraá saaliingo daqtá yaariire múk Mungú una dae tlaáq ar muxta, as Yesu kuwa /ooslislin. Baraá buhhtaaeé' kudaá dakti'iimaro, inooín ina gusiisiím tam ay baraá gixsadaá ayeemaá hatlá'.»

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

Galatia 1:21

Aluuwo ana tláw ay yaamaá Siria nee Kilikia.