Tlehhema'aá ya/Abuuse 6:7 - Biblía Axweesantá Hhohho' ar Mungú 2004

⁷ Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Ya/abtór hho' 1977

⁷ Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Múk yaariír oo geeraharuusér saalíngw múk Yahudi iri haratlintií'.

Tlehhema'aá ya/Abuuse 6:7 Iomraidhean Croise

2 QOM'I 29:34

Kaahamuusér Mungú muruudá' daqarooro gway harslaaqát, asma inooín ki ureeká. Gawaá adoorihe, hhaeeín kudaá tlahhoó Laáwi daqarooro ngay alee/iisiyé' kari hhe'eés. Qoomaarihe kaahamuusér Mungú ar yaariir taa hhoohhooés (Asma múk Laáwi oo taa hhoohhooees ku úr ta kaahamuuseero).

2 QOM'I 30:24

Waawutmo Hesekia oo Yuda, mukdá' aa didií burumburiit giri awér kumuú wák i haniís, nee bee/ángw kume faanqw, as kuwa ilahhooár wa haniisi. Geeraharuuse awe nga hanisiyé' kumuú wák nee bee/aangw kume mibaangw. Kaahamuusér Mungú ar yaariir tiri hhohhoés.

WARA'AMI 132:16

Kaahamuuserós ka tuuntuuk ar ba/ama. Nee mukós kudá' hhohhó' iri baraa/ ar qwala/.

WARA'AMI 132:9

Kaahamuuseerók ka tuuntuuki ar gan'amu. Mukók kudá' hhohhó' i baraa/ ar qwala/.

Matayo 19:30

Ala baraá kudá' geeraá hara'a, awa yaariir i alií ki/iyá', nee kudá' alaá hará', ta geerií waaraahh.»

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Yohana 12:42

Ala tam adoorihe baraá mukdá' urene múk yaariír i deer oo Yesu gwa haratlintii'. Ala mukwí taa laqaniká, asma múk Farisayo, as mikiwa baynitís dír doó saaliingo.

Tlehhema'aá ya/Abuuse 12:24

Ala axweesantá Ya/abtór Aako iri kumít nee iri tsiyayaaxát.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 19:20

Adoorí an adoodá' Ya/abtór Aako ira geerií kumít, nee iri baaliín ar /uuru.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 21:20

Inooín kaangwí kuwa axaás, Mungú kuri xirfayeés, Paulo kuri báy, «Hhiyaarén, a ga/eéraáke múk Yahudi oo aa haratlintii' adór tar kumér yaariir. Inooín hara'ayár Mose ngi ló'wa ohiná'.

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Galatia 1:23

Ala inooín kaa tawó axaás, tawa kaahi, «Heedá' aáng atén taa slahhaeemiis, daxta i Ya/abtór hhó' alki/iit, ar haratlintaaoodá' aáng aa qwaareesár wa slaá'.»

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.