Tlehhema'aá ya/Abuuse 6:12 - Biblía Axweesantá Hhohho' ar Mungú 2004

¹² Mukdá' muu guri tlaahhírí qaás nee bariiseero, nee intsaahhatuusér hara'ayár Mosewo. Stefano kuri óh, kuri huúw baraá doó kwasleema.

Ya/abtór hho' 1977

¹² Muu guri lexutís nee bariiseero, nee intsaahhatuusér hara'ayár Musawo. Stefano kuri i daqáy, kuri huúw baraá doó kwasleema.

Tlehhema'aá ya/Abuuse 6:12 Iomraidhean Croise

AXWEESANOÓ SAGALOOA 15:18

Heé buhhabuúhh i gilaá dukún Ala heé buhhataawo inslaahheeká slaqwara ga har'oh.

Matayo 26:57

Yesu kuri óh, kway huúw amór doó kaahamusmoó úr oo Mungú kudá' ta bay Kayafa. Diirí an dír intsaahhatuusér hara'ayár Mose nee bariise i burumburít.

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 21:27

Deeloodá' faanqw iwa naká/ faakmawo, mukko Yahudi oo Asiár daáhh Paulo kuri baraá Doó Mungú wa ár. Mukwí tlaahhi gari qaás dír muu sleémeero, Paulo kuri óh.

Tlehhema'aá ya/Abuuse 5:18

ya/abuuse kari ohín, kari dahaás baraá doó tseegamo.

Tlehhema'aá ya/Abuuse 5:27

Kingay huúw kiri qaás tla/ángw múk kwasleema. Kaahamusmoó úr oo Mungú giri yaahaás, iri oó',

Tlehhema'aá ya/Abuuse 6:11

Mukko kuri sluúk as tawa ooi, «Heewí ugwa axaasaán, i Munguú /ooslislín nee axweesanoó Mosewo.»