Tlehhema'aá ya/Abuuse 6:1 - Biblía Axweesantá Hhohho' ar Mungú 2004

¹ Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Ya/abtór hho' 1977

¹ Nee deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebrania, asma kwaeeli'ín ka gunqaareés alee/isaywo umuú deelooro.

Tlehhema'aá ya/Abuuse 6:1 Iomraidhean Croise

YOBU 29:13

Tsuuqaá heé naa baraá tsaxwá wá tuú/ ina sláw, /ameenár kwaeeli ana /iimiís ngari qwal/úr áw.

YOBU 31:16

Xáy, aníng narkuute muruú i sla'a aga /íti? Laqaá /ameenír kwaalo'o aga ila' hhantemamísi.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 72:16

Balángw yaariír i hamaari baraá yaamuwo, ay gawaá tlom'i, bu'uungw /ar'i ngi lalay, mamuuwós ta adór kuqaá yaamaá Lebanoni, nee múk baraá gixsa i tlahhi adoodár gitso ir slu/ubibiin baraá yaamuwo.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

YEREMIA 30:19

Muk'eé' oo didá' hoót daa'ángw sluufaay ku daa', nee afór qwal/amaaye i baraadá' wa ti'ít. Inooín nin tlahhiyá', ta baloó /aaruyká. Aníng inooín in xirfayeés, ki baloó waaqaiiká.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Tlehhema'aá ya/Abuuse 2:41

Nee mukdá' axweesantadá' gaa haratlintii', kuri baatimiís, múk baldá' aa doogin a har afi qoomoó kume tám.

Tlehhema'aá ya/Abuuse 2:45

Daqaari'iimar'ín kari weeramiís, nee muruuín kudá' i kon'a kuri qasmiís dír umuúqo heewo ar hariímadá' qoom.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 4:35

kari qaás dír geeraá ya/abuuse. Peésaadá' kari qasmiís ar hariímadá' hee aa slaá'.

Tlehhema'aá ya/Abuuse 4:4

Ala baraá mukdá' axweesantadá' gaa axaasi awa yaariir ngay haratlinti'iyé', nee hhawaate a har afi qoomoó kume kooán.

Tlehhema'aá ya/Abuuse 5:14

Múk Aako gwa haratlintii' iri ló'wa tlaáhh, hhawaate nee /ameenaaro.

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Tlehhema'aá ya/Abuuse 6:2

Ya/abuuseedá' mibaá nee tsár eeharuusér hatlá' sleémeero kari ateét, kiri báy, «I hariindaaká atén axweesantá Mungú kawa mawaan alki/ituuwo, tari dír qasmisuú wa iwiwiitaán.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Tlehhema'aá ya/Abuuse 9:29

Iri axweés nee tiri tlaampa'amisiyé' nee múk Yahudi, kudá' tsifrír Yunanír ar axweesá'. Ala inooín adór kur gaasi kari axweés.

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

Rumi 12:7

Hee aleesleemuú i kon bar oo muu alee/iimis, heewí muu ngu alee/iimisi. Heé aleesleemuú intsaahhatimis gu koóm, i intsaahhatimisi.

1 Korinto 10:10

Slám kuungá' ma qununu/aara' adór inooín bahh'alé nira qununu/iyé', kiri hhaamiís nee Hhitusmo.

2 korinto 11:22

Inooín a múk Ebraniáro? Tam aníng sleeme. Inooín a múk Israelíwo? Tam aníng sleeme. Inooín a xwaylár Abrahamúwo? Tam aníng sleeme.

DABE 26:12

«Umuúqo kurkú tame, umuúqo heewo dirhunge baraá bu'ungós sleémeerowo, ar wák baraá mibaango gan haniis as tlahhoó Laáwi, nee hoomoó ayaahúng hoót, nee na/aá panaay nee /ameenár kwaeeli, as inooín muruú /ayma, nee umuúqo gár taqo slai kawa slay, qoomár barta baraá yaamuuhúng i dirii'.

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.

1 Timoteo 5:3

/Ameenár kwaeeli ilaiwawa/eek, kwaeelidaá ló'.

1 Timoteo 5:9

Kwaalo'ór ta gooiin a tidá' kureeraá mibeeraá lahhoó' gaa eer. Nee slám inós masók hhawaatuú gaa duux a wak.

Ebrania 13:1

Kuungá' kumiité' tiwa sla'asla'a' adór hha'aá baraá Kristó wa ale.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

Yakobo 5:9

Hháe, kuungá' miti i qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít dír afkú do'.