Tlehhema'aá ya/Abuuse 5:5 - Biblía Axweesantá Hhohho' ar Mungú 2004

⁵ Anania /aymi'iiká' ngiwa axaás, iri yaamií huú', iri gwaá'. Muu sleémeero oo adoodá' gaa axaamiis, daér yaariir guri eér.

Ya/abtór hho' 1977

⁵ Anania /aymi'iiká' ngiwa axaás, iri huú' yaamuú i alé, iri gwaá'. Muu sleémeero oo adoodá' gaa axaamiis, daér yaariir guri eér.

Tlehhema'aá ya/Abuuse 5:5 Iomraidhean Croise

2 WAAWITÁ 2:24

Elisha giri xuuxuú', giri lu'ús ar umuú AAKOÓ MUNGÚ, makaá tsár awa /ameena awa ta bay duúbu, niri ti'iitiyé' baraá sla/atá wa ale, daaqayduú mibeeri tsiyáhh nee tsár kuri karslamiís.

1 QOM'I 13:12

Baalaadae Daudi Mungú guri ló'wa da'ayuút, iri oó', «Hamí aníng Sandakmoowí oo alqadór Mungú adór ngur ar waatl amór dooeé'?»

1 QOM'I 15:13

Asma kuungá' qoomaadár geeraawo ugwa gagadi'iiká, AAKOÓ MUNGÚ, Munguúrén, atén tina muúx, asma ugwa amohhe'eesaniiká ar adoodá' inós taa báy.»

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

YEREMIA 5:14

Gawaá adoorihe AAKOÓ MUNGÚ, Munguú Aleesleemusmo, i kaahi, «Yeremía, asma muksíng iwa adoosír axweesi, ga/aaweek axweesante'eé' an adór asla tleéhh baraá afkoge, mukwí tari adór migír, inooín asla giri /ák.

ESEKIELI 11:13

Qoomár niwa aaririim, Pelatia garmoó Benaya iri kahhuút. Aníng niri yaamií huú', niri gurúr qaát, niri /aá/ ar afór ur niwa kah, «Aá Aakoó MUNGÚ, xáy, paanaywí oo múk Israeli aa meet aqo un tsuwa fáka?»

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

Tlehhema'aá ya/Abuuse 13:11

Ga/aaweek, dákw Aako hám i gawaawók i dirii', nee kuúng a taampút, tsee/amá u aandaaká ay qoomarka.» Hamtidár kilae giwti nee ma/ami guri qiptís, iri harweerirín as heé gu gan'aamiís nguwa leelehhiiti.

Tlehhema'aá ya/Abuuse 2:43

Umuúqo heewo dae guri eér, asma muruú xuawaslén oo yaariír nee layu kiri tleehhiít nee ya/abuuse.

Tlehhema'aá ya/Abuuse 5:13

Ala dír mukdá' aa haratlinti'iikahe heé aa qiitl i kaahh iwa haragwaai dír haratlintauuse, ala a haratlintauuse kana xirfayeemiís.

1 Korinto 4:21

Kuungá' gár ta sla'a' a milá? Aníng nin amorhúngií hardáha ar hhara, laqaá nin hardáh ar sla'aari nee ar muunuú tsatsa'areema?

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

2 korinto 13:2

Án kuungá' nuna gurbuú' qoomár niwa amorhúng i dirii' sagaáwa tsare. Nee slám hamí án kuungá' nun malé gurbuú' dír án nira amorhúngií hardihiiká. Aníng mukdá' tlakweema gaa tleehh qoomaadae, nee múk hatlá' sleeme, un gurbuú' asma aníng binda malé hardáh, án kuungá' nu gurtlawaaká.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

YOSHUA 22:20

Kuungá' a insleera'aakáhe adór Akani garmoó Sera ira inkihhimu wasleés baraá muruudá' taa hhoohhooeesi as Mungú, Mungú iri buúhh amór xoorór Israeli sleémeero? Slám tlakweemaadaá Akani aa tleéhh inós kilós ngwa gaasi'iiká.› »

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 11:5

Nee bar hee ngi slahh'eemisuú wa slaa', asla in baraá afer'ín wa ti'imít, nee wakuuser'ín tidá' gari /ák. Gawaá adoorihe, bar hee ngi slahh'eemisuú wa slaa', inós kun gaas ar adoorí.