Tlehhema'aá ya/Abuuse 5:4 - Biblía Axweesantá Hhohho' ar Mungú 2004

⁴ Ahaá, qoomár iwa baraá dabaawók i diri' a togekáhe? Nee qoomár weerisaro kawa hhe'és, i baraá aleesleemuuwogekáhe? Ahaá, adór /aymuuwí pa/aangw ngura sláy baraá muunaáwoge a adoomá? Heé kuúng taa al/ák a heewooká, ala a Mungú.»

Ya/abtór hho' 1977

⁴ Ahaá, qoomár iwa baraá dabaawók i dirii' a togekáhe? Nee qoomár weerisaro kawa hhe'és, i baraá aleesleemuuwogekáhe? Ahaá, adór /aymuuwí pa/aangw ngura sláy baraá muunuúwoge a adoomá? Heé kuúng ta al/ák a heewooká, ala a Mungú.”

Tlehhema'aá ya/Abuuse 5:4 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

1 QOM'I 29:3

Dinkwa nee tí sleémeero naa haniisi as do'owí hhoohhoó', aníng sahaábu u koóm nee muqslár peesaaro. As doó Munguúeé' nguwa slaa', muruuwí an kwe'eé' nu kilá', aníng un haniisi as doó Munguúeé'.

1 QOM'I 29:5

Sahaábu una amohhe'eés as xooslár sahaábu, nee muqslár peésa as xooslaá peésa, nee muruú ta qoo tleehhi ar daba' nee heé gadiyeé ga xuú'. Xáy, a heemá heé ti kilós haniís laarí as tawa oo AAKOÓ MUNGÚ?»

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

YOBU 15:35

Kuká' al/ayma ngi tsihiyá' nee tlakweema ngin laqwaliyá', baraá muner'ine gár hatlá' i káhh aqo har lameemo ngin qoomeemeesiyá'.»

WARA'AMI 139:4

AAKOÓ MUNGÚ, tam dír nira ilawatsiiká kuúng /aymuú ni ooár wa slaa' u qaroó xú' kángw kilá' wa ale.

WARA'AMI 7:14

Qaytsiít, heé tlaákw aa tsíh tlakweemaawo, gár aa hats baraawose a muruú tlákw gun aldakuut, nee tsiihaywós kwihe gár i laqwaali a lameemo.

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

DAHARUSMO 5:5

A tsiní al'axweesani baraá qaská ta al'axweesantá taa qás kawa meer boo/esaro.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

FAARO 16:11

Gawaá adoorihe kuúng nee mukoge aga burumburité' AAKOÓ MUNGÚ kuwa i slaqwa'. Xáy Aroni a heemá kuwa i qununu/a'?»

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

Tlehhema'aá ya/Abuuse 5:9

Petro iri oó', «Kiíng nee hhawaatuuwók Qeeruú Aako adór al/aymaaro kura qitlé' a adoomá? Qaytsiít mukdá' aakoowók gwa foolár áy hanoos i dír afkú do'. Nee hám kiíng sleeme ti tsee/áy huuw.»

1 Korinto 8:8

Ala muruú /ayma atén ti hardahaasiiká amór Mungú. Fu'unaay bira mawaán /aymaaro, gár atene /aaruw i káhh. Nee bira /ayaán, gár atene doogiim i káhh sleeme.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

Filemoni 1:14

Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.