Tlehhema'aá ya/Abuuse 5:36 - Biblía Axweesantá Hhohho' ar Mungú 2004

³⁶ Asma deelór hhaawaaká ar aa waarahhi, heeko ina ti'iít, umuuwós ta bay Teuda. Inós ngiwa xui, inós a heé ló'wa úr, nee múk tsiirér tsiyáhh guri eehár. Looaytleér inós kuri gaás, nee mukdá' sleémeero inós gwa eehar iri diya/aát, iri qwaár.

Ya/abtór hho' 1977

³⁶ Asma deelór hhaawaaká ar aa waarahhi, heeko ina sihhiít, umuuwós a Teuda. Inós ngiwa xui, inós a heé ló'wa úr, nee múk tsiirér tsiyáhh guri eehaár. Looaytleér inós kuri gaás, nee mukdá' sleémeero inós gwa eehaar iri diyaya/aát, tari gaarooká.

Tlehhema'aá ya/Abuuse 5:36 Iomraidhean Croise

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 24:26

«Gawaá adoorihe bartunda báy, ‹Hanoosaay i baraá darma,› ma daqawara'. Laqaá barta kaahi, ‹I dír do',› ma ya/aamara'.

Matayo 24:5

Asma múk yaariír ni hardah oo ti ateetiím ar umuueé', tawa kaahi, ‹Aníng a Kristo.› Inooín múk yaariír ku al/aay.

Tlehhema'aá ya/Abuuse 21:38

Bar adoosíng kuúng baré a heedaáduú Misrirooká, kudá' gawaá deeloorí aa waarahhi múk kume tsiyáhh gwa hara'awis, kudá' aa tsu/uut, guri ar tláy baraá xaanxaay.»

Tlehhema'aá ya/Abuuse 5:35

Heewí iri oó', «Aá múk Israeli, gár ta mukwí tleehhamór wa sla'a' ala alqaytsitaak.

Tlehhema'aá ya/Abuuse 8:9

Heeko umuuwós ta bay Simon i deer baraá gixsadae. Inós a qwaslaarmo. Múk yaariír baraá gixsár Samariaro tana ló'wa waa/oó/, asma inós i kaahi, «Aníng a heé úr.»

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

2 Petro 2:2

Múk yaariír inooín gi eehar baraá slafingw'ín kudá' slasla/aare, nee loohidár looeema ka /ooslislín as inooín.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.

Geehhoeemaá 17:3

Malaykamoodá' aníng iri ar tláy ar baraá qeeru ay baraá xaanxaay. /Ameeni ngiri ár aa iwít gawaá makiito'ór ló'wa daa/aat. Makiito'oorí i háts umér /ooslisliingo. Sagér faanqw ga koón nee xareemaá mibaango.

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»