Tlehhema'aá ya/Abuuse 5:27 - Biblía Axweesantá Hhohho' ar Mungú 2004

²⁷ Kingay huúw kiri qaás tla/ángw múk kwasleema. Kaahamusmoó úr oo Mungú giri yaahaás, iri oó',

Ya/abtór hho' 1977

²⁷ Kingay huúw kiri qaás tla/ángw múk kwasleema. Geeraharusmoó úr oo saalíngw múk Yahudi giri yaahaás iri oó',

Tlehhema'aá ya/Abuuse 5:27 Iomraidhean Croise

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Luka 22:66

Looa niwa tleér bariise nee kaahamuusér uren ar Mungú nee intsaahhatuusér hara'ayár Mose tari burumburiít, Yesu kuri huúw baraá doó kwasleemar'ín, kuri babáy,

Tlehhema'aá ya/Abuuse 22:30

Geeraharusmoodá' úr gár Paulo kusa sakwasleemuút nee múk Yahudi gari xu'utír wa slaá'. Gawaá adoorihe looaytleérós Paulo guri gweér. Kaahamuusér uren ar Mungú nee bariisér doó kwasleema sleémeero gari ateét. Paulo guri leéhh, guri dír geeraaíní huúw.

Tlehhema'aá ya/Abuuse 4:7

Petro nee Yohane kiri tla/angw'ín i sihhitís, kiri yaahamiís, kiri báy, «Kuungá' muruuwí /uuruú kur tlehhita' a /uuruú heemá, nee ar umuú heemá?»

Tlehhema'aá ya/Abuuse 5:21

Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Tlehhema'aá ya/Abuuse 5:34

Ala heeko wák, oo Farisayo, umuuwós ta bay Gamalieli, slám inós a intsaahhatusmoó hara'ayár Mose, a heé ta ilaiwawa/i nee muu sleémeero. Inós ina sihhiít dír tla/ángw múk kwasleema, hara'aya gari oó' as ya/abuuse kawa tsee/áy duuxi qoomár niinawe.

Tlehhema'aá ya/Abuuse 6:12

Mukdá' muu guri tlaahhírí qaás nee bariiseero, nee intsaahhatuusér hara'ayár Mosewo. Stefano kuri óh, kuri huúw baraá doó kwasleema.