Tlehhema'aá ya/Abuuse 5:24 - Biblía Axweesantá Hhohho' ar Mungú 2004

²⁴ Xuumusmoó úr oo Doó Mungú nee kaahamuusér uren ar Mungú kaangwí kuwa axaás, xure giri eér, as ya/abuuseerí aa baraá doó tseegamór wa ti'it. Tari oó', «Adoorí a adoomá daqaní?»

Ya/abtór hho' 1977

²⁴ Xuumusmoó úr oo Doó Mungú nee geeraharuusér uren ar saalíngw múk Yahudi adoorí kawa axaás, xure giri eér, as ya/abuuseerí aa baraá doó tseegamór wa ti'it. Tari oó', “Adoorí a adoomá daqaní?”

Tlehhema'aá ya/Abuuse 5:24 Iomraidhean Croise

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

Luka 22:4

Inós iri tláy dír kaahamuusér uren ar Mungú nee geeraharuusér askaári, tari al axweés adór Yesu ngur dabaaín i qaasi.

Luka 22:52

Kaahamuusér uren ar Mungú nee geeraharuusér askaári nee bariise, kudá' ngwa i daqaye', Yesu giri báy, «Baré nina hardaté' ar paangadu nee guhhli'i adór múk fisusmoó oohár áw.

Yohana 12:19

Múk Farisayo tari kilooín axweés, tawa kaahi, «Aga aandí'iíke, gár kuungá' ta aleesleera' i káhh. Qaytsiité', muu sleémeero gwa eehár.»

Tlehhema'aá ya/Abuuse 2:12

Tari waa/oo/amín, tari amoqwaqwadín sleémeero, tiri kilooín babayé', «Kángw adór kwí kureeriiwo a milá?»

Tlehhema'aá ya/Abuuse 4:1

Qoomár Petro nee Yohane tawa dír múkwí axweesi, kaahamuusér Mungú, nee geeraharusmoó xuumuusér Doó Mungú, nee múk Sadukayo tari didaádií hardáh.

Tlehhema'aá ya/Abuuse 4:21

Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.

Tlehhema'aá ya/Abuuse 5:23

Tari oó', «Tawa hardahaán, doó tseegamo i tseegamór i dirii', nee askaári i afkú dó' wa sihhimít, ala afkú do' kuwa gweeraán, heé taa baraá dóí awaán i kaahh.»

Tlehhema'aá ya/Abuuse 5:25

Siiwadár kilá' heeko wák nay hardáh, iri oó', «Mukdaádá' /isá' taa baraá doó tseegamór i dahasé', haandá' baraá Doó Mungú, ta múk intsaahhatimis.»

Tlehhema'aá ya/Abuuse 5:26

Xuumusmoodá' úr nee xuumuusér hatlae tari tláy, ya/abuuseedá' kingiri huúw, ala ar /uuruuwooká, asma inooín ta múk da'ayumiit, as mikiwa tlaquút ar tlaa/e.