Tlehhema'aá ya/Abuuse 5:21 - Biblía Axweesantá Hhohho' ar Mungú 2004

²¹ Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Ya/abtór hho' 1977

²¹ Inooín axweesanaay axaasaro kuwa hhe'eés, tari tláy matlatlér boo/e, tari intsaahhatimís baraá Doó Mungú wa ale. Geeraharusmoó úr oo saalíngw múk Yahudi niri hardáh dinkwa nee mukós. Múk doó kwasleema nee bariisee sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Tlehhema'aá ya/Abuuse 5:21 Iomraidhean Croise

WARA'AMI 105:22

Geeraharuuse gana geeraharahár ar adór ngir slai, bariise gari intsaahhatimís sagalooaro.

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Luka 22:66

Looa niwa tleér bariise nee kaahamuusér uren ar Mungú nee intsaahhatuusér hara'ayár Mose tari burumburiít, Yesu kuri huúw baraá doó kwasleemar'ín, kuri babáy,

Yohana 18:35

Pilato iri oó', «Aníng a heé Yahudíro? Xooroorók ar kilá' nee kaahamuusér uren ar Mungú kuúng una huwiyé' amor'eé' alé. Gár taa tléhh a milá?»

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.

Tlehhema'aá ya/Abuuse 22:15

Asma kuúng a lamabu'usmoowós tleehhít dír muu sleémeerowo daanduú muruuwí sleémeero taa aán, nee taa axamisi.

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 5:17

Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

Tlehhema'aá ya/Abuuse 5:27

Kingay huúw kiri qaás tla/ángw múk kwasleema. Kaahamusmoó úr oo Mungú giri yaahaás, iri oó',

Tlehhema'aá ya/Abuuse 5:34

Ala heeko wák, oo Farisayo, umuuwós ta bay Gamalieli, slám inós a intsaahhatusmoó hara'ayár Mose, a heé ta ilaiwawa/i nee muu sleémeero. Inós ina sihhiít dír tla/ángw múk kwasleema, hara'aya gari oó' as ya/abuuse kawa tsee/áy duuxi qoomár niinawe.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.