Tlehhema'aá ya/Abuuse 5:17 - Biblía Axweesantá Hhohho' ar Mungú 2004

¹⁷ Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

Ya/abtór hho' 1977

¹⁷ Geeraharusmoó úr oo saalíngw múk Yahudi nee mukdá' nee inós ti alkoomá', kudá' bartá mukduú Sadukayo tari sihhiít, gur'ee giri ohiín,

Tlehhema'aá ya/Abuuse 5:17 Iomraidhean Croise

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

AXWEESANOÓ SAGALOOA 14:30

Muuná burku amohhoó' slaqwa i mét, ala ilatleerír tlakw fadu gin tsutsu'ús.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

Matayo 27:18

Asma inós gaa xuú' adór gár Yesu kungu sa duúx tar da/i.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Yohana 12:10

Gawaá adoorihe kaahamuusér uren ar Mungú tari al'axweés as Lasaro sleeme kuwa gaasi.

Yohana 12:19

Múk Farisayo tari kilooín axweés, tawa kaahi, «Aga aandí'iíke, gár kuungá' ta aleesleera' i káhh. Qaytsiité', muu sleémeero gwa eehár.»

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 15:5

Ala múk Farisayo bahh'alé, kudá' aa haratlintii', tari sihhiít tari oó', «A gár hariim múk xoordaá hatlá' kuwa al/uutli nee kuwa hara'ayin, hara'ayár Mose kawa eehari.»

Tlehhema'aá ya/Abuuse 17:5

Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

Tlehhema'aá ya/Abuuse 4:26

Waawituú baraakaá yaamu taa amohhe'eés, nee slám geeraharuuse aa burumburít as daanduú Aako nee Kristowós.›

Tlehhema'aá ya/Abuuse 4:6

dinkwa nee kaahamusmoó úr oo Mungú kudá' ta bay Anasi, nee Kayafa sleeme, nee Yohane nee Aleksanda nee muu sleémeero kudá' doó kaahamusmoó úr oo Mungú hoót.

Tlehhema'aá ya/Abuuse 5:16

Muu sleémeero kudá' baraá gixsadaá bihhaá Yerusalemúr i tsewen, tari burumburiít, tiqtuuser'ín kingiri huwahuúw, nee múk neetlaame aa eér, tiqtuuseedá' sleémeero kari hungu/umiís.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.