Tlehhema'aá ya/Abuuse 4:36 - Biblía Axweesantá Hhohho' ar Mungú 2004

³⁶ Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

Ya/abtór hho' 1977

³⁶ Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Lawi, nee yaamaá i dahhi a yaamaá Kipro.

Tlehhema'aá ya/Abuuse 4:36 Iomraidhean Croise

Marko 3:17

nee Yakobo garmoó Sebedayo, nee hhiyaawós Yohane, giri umuú hatlá' i tsaát, a Boanerge, gídaabárós a daaqoó tsimaahhuuse,

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 12:25

Barnaba nee Saulo gadiyér'ín ngiwa hhe'eesiyé', niri Yerusalemúr wa ki/iyé', ti al koná' nee Yohanedá' ta bay Marko.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 13:4

Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 15:37

Barnaba gana slaá' tiwa kona' nee Yohane, kudá' ta babay Marko.

Tlehhema'aá ya/Abuuse 15:39

Gawaá adoorihe Paulo nee Barnaba tari ló'wa kaa/uús, tam tiri paraatliyé'. Barnaba Marko gurir tláy, tari waaraáhh ar baraá tlawi ay Kipro.

Tlehhema'aá ya/Abuuse 21:16

Eeharuusér baraá Kaisarea bahh'alé tari alkoomaán nee atén, tiri hardahás ay doó Mnasoni, heé yaamaá Kipro. Inós a eeharusmo iimír aange. Asma atén dír ti hotaá awaan an dír do'ós.

Tlehhema'aá ya/Abuuse 21:3

Nee Kipro kawa araán, kari bihhaá dákw doó basáy geexawaán, tay hi'iitaán ay Siria, tari aweeraán Tiro. Asma didá' a dír miringamoorén huwaawós ngay aweerisi.

Tlehhema'aá ya/Abuuse 27:4

Tari didá' wa tlawaán, tari waarahhaán ar baraá tlawi bihhaá doó /iyáy awa Kipro, as fur'a kawa ilaguwaan, asma fur'a ka ló' wa ur baraá tlawto.

Tlehhema'aá ya/Abuuse 9:27

Ala Barnaba Saulo guri huúw amór ya/abuuse. Kaangwí guri dir'ín i alki/iít adór Saulo Aako ngura ár loohiro, nee adór Aako ira axweés nee Saulo, nee Saulo Ya/abtór hho' adór ngira alki/iít ar pihh'uuma baraá Damaskoro ar umuú Aako.

1 Korinto 14:3

Ala heé aaririím, inós dír i axweesi a dír muu, muu guri kwa/amis baraá haratlintaaor'ine nee guri gurbu'ún nee guri gurkwa/amis.

1 Korinto 9:6

Laqaá án nee Barnaba kiloorén an hariimanaakáhe gadiyeé kawa mawaan?

Galatia 2:1

Kureeraá mibaá nee tsiyáhh niwa waarahhiyé', aníng niri malé tsa/aám ay Yerusalemu dinkwa nee Barnaba. Nee Tito sleeme tiri alkoomaán.

Galatia 2:13

Múk Yahudi oo didaádá' i dirií' tiri paraátl, hhaahhafingwduú Petro kuri eehár, tam Barnaba sleeme hhaahhafingw'ín kudá' guri eehár.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.