Tlehhema'aá ya/Abuuse 4:30 - Biblía Axweesantá Hhohho' ar Mungú 2004

³⁰ Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Ya/abtór hho' 1977

³⁰ Aleesleemuuwók ar gadiyuseek iwa hungu/utimisi, layu nee muruú xuawaslén i tleehharuuti ar /uuruú sagadiyusmoowók Kudá' hhoohhoó', Yesu.”

Tlehhema'aá ya/Abuuse 4:30 Iomraidhean Croise

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

Yohana 4:48

Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 2:43

Umuúqo heewo dae guri eér, asma muruú xuawaslén oo yaariír nee layu kiri tleehhiít nee ya/abuuse.

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Tlehhema'aá ya/Abuuse 3:16

Heewí kuungá' ta ga/eera' nee oo ta xua', heé inós gwa /uurií haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yésú daahh, adoorí kuungá' sleémeero kur ga/eera'.

Tlehhema'aá ya/Abuuse 3:6

Ala Petro iri oó', «Aníng peésa a koomaaká, laqaá sahaábu, ala tidá' aníng ni koom an tidá' ni haniis. Ar umuú Yesu Kristo oo Nasareti, sihhiít, tláw.»

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

Tlehhema'aá ya/Abuuse 5:12

Ya/abuuse layu nee muruú yaariír oo waa/oo/amór koóm guna tlehhít baraá tla/ángw muko, nee mukdá' aa haratlintii' sleémeero tana burumburimiít baraá matla/ángw Solomon.

Tlehhema'aá ya/Abuuse 6:8

Stefano i haats /uuruú Munguhe nee aleesleemuuwo, muruú waa/oo/amo guna tlehhiít, nee laydaá uren baraá tla/ángw muko.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.