Tlehhema'aá ya/Abuuse 4:23 - Biblía Axweesantá Hhohho' ar Mungú 2004

²³ Qoomár Petro nee Yohane kiwa gweér, tari tláy amór muk'ín, kángw muruudá' sleémeero kaa báy nee kaahamuusér uren ar Mungú nee bariiseero, kuri alki/iít.

Ya/abtór hho' 1977

²³ Petro nee Yohana qoomár gweeraro kiwa hhe'eés, tari tláy amór muk'ín, iidíguú muruudá' sleémeero oo geeraharuusér uren ar saalíngw múk Yahudi nee bariisee aa oó', kuri alki/iít.

Tlehhema'aá ya/Abuuse 4:23 Iomraidhean Croise

WARA'AMI 119:63

Aníng a mulqumoó kudá' sleémeero kuúng u ilaiwawa/á', nee awa hara'ayaarók ngi ohiimá'.

WARA'AMI 16:3

Múk hhohhó' oo baraakaá yaamu an múk afhhamít, inooín aníng i sla'atimisiyá'.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

AXWEESANOÓ SAGALOOA 13:20

Heé hi'iimamiít nee múk sagelooén, sagalooa ga sláy, Ala mulqumoó heé daktani slahh'amu gu sláy.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Tlehhema'aá ya/Abuuse 16:40

Paulo nee Sila tindiwa ti'iít baraá doó tseegamooro, tari dáh baraá doó Lidia. Tiri doogiyé' nee hhae. Hhae kiri gurkwa/amís. Paulo nee Sila tari tláy.

Tlehhema'aá ya/Abuuse 4:22

Asma heedaádá' taa muruú xuawaslén i tleéhh, kudá' taa hungu/uús, kureeriiwós mibeeraá tsiyahhe naa waarahhiyé'.

Tlehhema'aá ya/Abuuse 4:24

Adoorí kawa axaás, Mungú kuri firín ar muunuú wák, tari oó', «Aáko, kuúng a Mungú, kuúng an kudá' doori nee yaamu nee tlawto iga tlehh, nee umuúqo gár dawa.