Tlehhema'aá ya/Abuuse 4:21 - Biblía Axweesantá Hhohho' ar Mungú 2004

²¹ Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.

Ya/abtór hho' 1977

²¹ Iigahhaataro kiwa hhe'eés malé alé, kiri gweér, asma pa/aanngw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.

Tlehhema'aá ya/Abuuse 4:21 Iomraidhean Croise

Matayo 15:31

Tam boo/aydá' iri waa/oó/ múk afewaslén kuwa ár, iwa axweesi, nee múk aa sol'omiit iwa hhooáy, nee taqooraay iwa hi'iimiti, nee taampu iwa xumiisiya'. Boo/aydá' Mungú múk Israeli kuri xirfayeemiís.

Matayo 21:46

Gawaá adoorihe Yesu kuna loohi leelehhiít ar kur oohi, ala boo/oó muu kuri da'ayuút, asma Yesu muu gwaa tsaáhh adór tar aarusmo.

Matayo 26:5

Ala tari oó', «Adoosíng a tleehhanaaká baraá deeloorí ure, as muu muwa tlaahhírár awaán.»

Matayo 9:33

Qoomár neetlaameedá' kawa hingeés, heedá' afa wásl iri axweés. Boo/oó muu iri waa/oó/, iri káh, «Gár adoorí aga araaniiká qooma sleémeerowo baraá Israeliro.»

Matayo 9:8

Boo/aydá' didií dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa dír múkwí haniis.

Luka 13:17

Qoomár iwa axweesi, kudá' sleémeero inós ngu tlaampa'amisá' kiri mureekeés. Ala boo/aay sleémeero iri qwalalaá/ asma muruuduú waa/oo/amo sleémeero Yesu aa tleéhh.

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Luka 20:6

Ala bara ooaán, ‹A amór muu,› muu sleémeero ti tlaquut ar tlaa/e, asma Yohane kwaa tsaáhh adór tar aarusmo.»

Luka 22:2

Kaahamuusér uren ar Mungú nee intsaahhatuusér hara'ayár Mosewo pa/aangw kuna leelehhiít oo Yesu kur gaasi, asma muu kuna da'ayumiít.

Luka 5:26

Sleémeero tari waa/oó/, Mungú kuri xirfayeemiís, tari da'ayuút ta kaahi, «Laarí muruú waa/oo/amo ugwa araán.»

Tlehhema'aá ya/Abuuse 4:17

Ala /aymi'iiká' mindiwa xu'utitiyé' dír muko, nee inooín in iigahhaataán as mindiwa malé axweesiyé' dír muko ar umuuwí.»

Tlehhema'aá ya/Abuuse 4:22

Asma heedaádá' taa muruú xuawaslén i tleéhh, kudá' taa hungu/uús, kureeriiwós mibeeraá tsiyahhe naa waarahhiyé'.

Tlehhema'aá ya/Abuuse 5:13

Ala dír mukdá' aa haratlinti'iikahe heé aa qiitl i kaahh iwa haragwaai dír haratlintauuse, ala a haratlintauuse kana xirfayeemiís.

Tlehhema'aá ya/Abuuse 5:26

Xuumusmoodá' úr nee xuumuusér hatlae tari tláy, ya/abuuseedá' kingiri huúw, ala ar /uuruuwooká, asma inooín ta múk da'ayumiit, as mikiwa tlaquút ar tlaa/e.

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.