Tlehhema'aá ya/Abuuse 4:14 - Biblía Axweesantá Hhohho' ar Mungú 2004

¹⁴ Qoomár heedaádá' taa hungu/uús kuwa ár, iwa bihhaá ín Petro wa sihhimiiti inooín gár ta ooi iri qwát.

Ya/abtór hho' 1977

¹⁴ Heedaádá' taa hungu/uutís kuwa ár, iwa sihhimiiti nee inooín, gár ta ooi iri qwát.

Tlehhema'aá ya/Abuuse 4:14 Iomraidhean Croise

Tlehhema'aá ya/Abuuse 19:36

Kaangwí heé gu sií' i kaahh. Gawaá adoorihe, kuungá' xasliité', ma gaansluutara' gaa tleehhamooro.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:15

Kiri ádbáy tawa tsee/ií ti'iiti baraá doó kwasleemaro, as inooín kilooín tawa axweesi.

Tlehhema'aá ya/Abuuse 4:16

Tari oó', «Adór mukwí ku laqaan a adoomá? Asma ka geehhoo' muu sleémeero oo baraaká' Yerusalemúr hoót, layuuká' inooín taa tlehhiít kaa xuú', nee atén tlaankuwo i aleeslawanaaká.

Tlehhema'aá ya/Abuuse 4:21

Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.