Tlehhema'aá ya/Abuuse 4:1 - Biblía Axweesantá Hhohho' ar Mungú 2004

¹ Qoomár Petro nee Yohane tawa dír múkwí axweesi, kaahamuusér Mungú, nee geeraharusmoó xuumuusér Doó Mungú, nee múk Sadukayo tari didaádií hardáh.

Ya/abtór hho' 1977

¹ Petro nee Yohana qoomár tawa axweesi nee muu, geeraharuusér saalíngw múk Yahudi, nee geeraharusmoó xuumuusér Doó Mungú, nee múk Sadukayo tari hardáh didaádá' i alé.

Tlehhema'aá ya/Abuuse 4:1 Iomraidhean Croise

Matayo 16:12

Nee qoomaadae eeharuuse gari sangw tsáhh ar gídaabá, gaa ádbayká tiwa harmagahhiya' nee gadaádá' ta mikaátér sluuftimiisi, ala gina adoodá' báy as tiwa harmagaahhiya' nee intsaahhatimisuú múk Farisayo nee oo múk Sadukayo.

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Matayo 27:20

Kaahamuusér uren ar Mungú nee bariise boo/aay kuri harakeemiís as Baraba kunguwa duuxi, nee Yesu kuwa gaasi.

Matayo 27:41

Slám kaahamuusér Mungú guri niqimís, nee intsaahhatuusér hara'ayár Mose, nee bariise, kuri babáy,

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Luka 22:4

Inós iri tláy dír kaahamuusér uren ar Mungú nee geeraharuusér askaári, tari al axweés adór Yesu ngur dabaaín i qaasi.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 18:3

Múk Farisayo nee kaahamuusér uren ar Mungú, askaári kana haniís dír Yuda, nee sagadiyuusér Doó Mungú sleeme. Yuda girir dáh baraá asalmoodá', inooín ta tsaa'asoó kón nee xooslár slaqwara.

Tlehhema'aá ya/Abuuse 4:6

dinkwa nee kaahamusmoó úr oo Mungú kudá' ta bay Anasi, nee Kayafa sleeme, nee Yohane nee Aleksanda nee muu sleémeero kudá' doó kaahamusmoó úr oo Mungú hoót.

Tlehhema'aá ya/Abuuse 5:17

Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

Tlehhema'aá ya/Abuuse 5:24

Xuumusmoó úr oo Doó Mungú nee kaahamuusér uren ar Mungú kaangwí kuwa axaás, xure giri eér, as ya/abuuseerí aa baraá doó tseegamór wa ti'it. Tari oó', «Adoorí a adoomá daqaní?»

Tlehhema'aá ya/Abuuse 5:26

Xuumusmoodá' úr nee xuumuusér hatlae tari tláy, ya/abuuseedá' kingiri huúw, ala ar /uuruuwooká, asma inooín ta múk da'ayumiit, as mikiwa tlaquút ar tlaa/e.

Tlehhema'aá ya/Abuuse 6:12

Mukdá' muu guri tlaahhírí qaás nee bariiseero, nee intsaahhatuusér hara'ayár Mosewo. Stefano kuri óh, kuri huúw baraá doó kwasleema.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.