Tlehhema'aá ya/Abuuse 3:6 - Biblía Axweesantá Hhohho' ar Mungú 2004

⁶ Ala Petro iri oó', «Aníng peésa a koomaaká, laqaá sahaábu, ala tidá' aníng ni koom an tidá' ni haniis. Ar umuú Yesu Kristo oo Nasareti, sihhiít, tláw.»

Ya/abtór hho' 1977

⁶ Petro iri oó', “Aníng peésa a koomaaká, laqaá miisli, ala tidá' aníng ni koom an tidá' ni haniis. Ar /uuruú Yesu Kristo oo Nasareti, sihhiít, tláw.”

Tlehhema'aá ya/Abuuse 3:6 Iomraidhean Croise

Matayo 10:9

Baraá tlakwi'ihunge sahaábu mu huuwaara', laqaá peésár /awak, laqaá ar da/aten.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Marko 14:8

/Ameenirí adoodá' aa asleér gaa tléhh. Slaqwte'eé' gaa geerií slík ar mooyaangw, asma gana amohhe'és as deelór foolar'eé'.

Marko 16:17

Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Yohana 19:19

Pilato slambaree/i gari gooín gari qaás gawaá msalaába. Gár taa gawaadí gooín a tí, «Yesú Nasareti, Waawutmoó múk Yahudi.»

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 16:18

Adoorí gari tlehhít deelór yaariire. Ala Paulo iri gurhaamuút, iri alií warqáy, neetlangwdá' guri báy, «Aníng kuúng u báw ar umuú Yesu Kristo, ti'iít baraá lawaalo'oorihe.» Neetlangwdá' iri ti'iít siiwadár kilae.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 3:16

Heewí kuungá' ta ga/eera' nee oo ta xua', heé inós gwa /uurií haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yésú daahh, adoorí kuungá' sleémeero kur ga/eera'.

Tlehhema'aá ya/Abuuse 3:5

Inós giri ilií duxún, gari haraxuú' gaa ngiwa dir'ín wa slay.

Tlehhema'aá ya/Abuuse 3:7

Dákw doó /iyáy guri óh, guri sihhitís. Hamtidár kilae tsa/a'aá ya'aawós niri kwa/iyé' nee diqoó ya'aawose.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 4:7

Petro nee Yohane kiri tla/angw'ín i sihhitís, kiri yaahamiís, kiri báy, «Kuungá' muruuwí /uuruú kur tlehhita' a /uuruú heemá, nee ar umuú heemá?»

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.

1 Korinto 4:11

Tam ay hamí atén a qwariitaán, nee a waxiitaán, nee atén a /aankwets. Atén ti muux, slám maraay i koomanaaká.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.