Tlehhema'aá ya/Abuuse 3:25 - Biblía Axweesantá Hhohho' ar Mungú 2004

²⁵ Kuungá' a na/aá aaruuse, nee slám a na/aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu iwa kaahi, ‹Baraá xwaylaroge xoordu sleémeero awa baraá yaamu ki tsuuq.›

Ya/abtór hho' 1977

²⁵ Kuungá' a na/'aá aaruuse, nee slám a na/'aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu gídaabá, ‘Baraá xwaylaroge xoordu sleémeero awa baraá yaamu ki tsuuq.’

Tlehhema'aá ya/Abuuse 3:25 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 18:18

Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

1 QOM'I 16:17

tidá' aa gawdeés dír Yakobo tawa adór kaahi, nee dír Israeli tawa adór alqadór alhhe'eesay wasl,

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 96:7

Muu sleémeero AAKOÓ MUNGÚ ngu sluufmiisi, xirif nee aleesleemu amoorós ti hanise'.

Luka 1:72

Baabi'iirén gina gurtleemuú wa ár, alqadoorós tidá' hhoohhoo' gari insláy,

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Rumi 15:8

Án kuungá' nun baw Kristo aa sagadiyusmoó múk Yahudi tleehhiít, as ngiwa laqan adór muruudá' Mungú aa oó' tar ló'. Inós al'axweesantadá' aa dír baabi'iirén i oó' ga boo/ees.

Rumi 4:13

Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao.

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Galatia 3:8

Gooi gana geerií aán adór Mungú múk xoordu ngur gan'amií harafaari as haratlintaaor'ín. Ya/abtoorí hho' Gooi gaa geerií alki/ít Abrahamu nguwa beér, «Baraawoge xoordu sleémeero ki tsuuq.»

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 7:9

Alaá tihe aníng niri qaytsiít, boo/oó yaariír ló'wa ale nguri ár, oo hee faarooro i baloó aleeslayká. Mukwí dír i dahhi a baraá umuúqo xoorooro nee umuúqo tlahhaywo nee umuúqo mar'afto nee umuúqo tsifriro. Taa sihhiít dír geeraá kitangwduú aleesleemu, nee dír geeraá Deelmooduú bee/i, kaa tsiitiís ar tlabaá /awak, nee slám i haleemaá slaanslár koná' gawaá dabaaine.