Tlehhema'aá ya/Abuuse 3:21 - Biblía Axweesantá Hhohho' ar Mungú 2004

²¹ Kristo Yesu an kudá' aa gawaá doorí kii/, ay dír qoomaadá' i xeer, ar mura' sleémeero kuwa /abeemií ki/isi, adoodá' Mungú ngira qaroó oó' ar loohír aaruuseerós ar hhohho'.

Ya/abtór hho' 1977

²¹ Kristo Yesu inós an kudá' aa gawaá doorí kii/, ay dír qoomaadá i xeer, tidá' mura' sleémeero kuwa hheehhe'eesár i ki/isi, adoodá' Mungú ngira qaroó axweés ar afér aaruuseerós ar hhohho'.

Tlehhema'aá ya/Abuuse 3:21 Iomraidhean Croise

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

Luka 1:70

adoodaádá' ngira qaroó oó' ar afér aaruuseerós ar hhohho',

Tlehhema'aá ya/Abuuse 1:11

Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»

Tlehhema'aá ya/Abuuse 10:43

Kwí aaruuse sleémeero guna adoorír lamabu'uún, as kahhó' umuúqo heewo oo gwa haratlintii', tlakweemaawós kiwa gurtláy ar umuuwós.»

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Tlehhema'aá ya/Abuuse 3:20

nee Kristo Yesu nguwa ya/aawi, kudá' taa iimír aáng wa amohhe'eés as kuungá'.

Rumi 8:21

Asma mura' sleémeero kudá' Mungú aa tleéhh, ku gweer baraá lawaali'iimadár hhitiru'uumaro. Nee tam inooín amohhooa ngiri slayá', qoomaadár na/aá Mungú xirfuuín burungwa slayé'.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 22:6

Aluudae malaykamoodá' iri báy, «/Aymi'iiká' a awa ló' nee awa hariimá' haratlintaaoro. Aakoó Mungú, Munguúduú qeeruú aaruuse, inós malaykamoowós ngwaa ya/aáw as muruudá' hardáh ar gaanslaay nguwa dír sagadiyuuseerós i laqan.»