Tlehhema'aá ya/Abuuse 3:17 - Biblía Axweesantá Hhohho' ar Mungú 2004

¹⁷ «Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

Ya/abtór hho' 1977

¹⁷ “Ala hám daxta, hhaee'eé', aníng a xuú' gídaabá tidá' ana tlehhé' ar xuawaslerhúng, adoodár mukhúng oo urén aa tleéhh sleeme.

Tlehhema'aá ya/Abuuse 3:17 Iomraidhean Croise

IIMU/UUNGW 21:26

Abimeleki iri oó', «Gaasíng an baloó xuaaká, nee heé adoosíng gaa tleehh u xuaaká, slám kuúng adoosíng ngaa baloó o'ká. Án adoosíng aga baloó axasiiká, aqo har laarí kilós.»

IIMU/UUNGW 39:8

Ala Yosefu iri sií', harér aakoowós gari báy, «Ga/aaweek, aakooeé' gár iwa daawimiti i káhh diirír do'o, inós daqaari'iimarós sleémeero ngaa aníng i saayín.

IIMU/UUNGW 44:15

Yosefu giri yaahaás, «Tlehhmuuwí naa aníng i tlehhé' a milá? Ahaá xua'aakáhe heé adór aníng gár taa luú/ ngiwa tsaahhi?»

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

FAARO 22:6

Kuúng qwaláng hamí, mukwí lu'usek daanduueé' wa ale, asma a múk /uuremaá koóm. Dooqa i aleesláw ngiwa baa/, ngiri guús mindiwa dahiyé' baraá ayaeene. Asma aníng a xuú' heé kuúng ta tsúq kwaa tsuúq, bura lu'ús kwaa lu'ús.»

Luka 23:13

Pilato kaahamuusér uren ar Mungú nee geeraharuuseero nee muko giri burumbuúr,

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Yohana 15:21

Ala tí sleémeero kingi dirhungií tleehh as aníng, asma kudá' aníng iga ya/aaw, inooín ngu xuiiaaká.

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 7:52

Inooín tari oó', «Kuúng sleeme kár amór ni dahh a Galiláyáro? Áx leelehheek baraá Gooiro aarusmoó Galiláyár wa ti'iít i deéro?» [

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 26:9

«Anuú kilá' geera ana haraxuú' adór tar gár aníng wa hariim mura' sleémeero nguwa tleehh, kudaádá' Yesu Kristoó Nasareti gu baáq.

Tlehhema'aá ya/Abuuse 28:21

Inós kuri báy, «Atén barwár kangók koom aga slawaaniiká, ar amór yaamaá Yudeár daahh. Ala tam hhiyoó wák oo naa amoorí hardah i kaahh, oo kangók ngwa oo', laqaá oo /aymuú tlaákw ngwa oo' daanduuwoge.

Tlehhema'aá ya/Abuuse 7:40

Aroni kuri báy, ‹Mungui tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwa eer a xuanaaká.›

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

1 Korinto 2:8

Múk aleesleemuú koóm oo baraaká' yaamu sagalooarí gaa tsaahhiiká. Asma inooín geera bar sagalooarí ngaa xuiyé', geera alók Aakoó xirif ngwa kikii'ii'iiká.

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

Efeso 4:18

nee fuqurangw'ín i baraá giwtír i dirii'. Inooín dir'ín i káhh baraá slafingwdá' Mungú i haniisi. Asma inooín gár i xuiya' i káhh, slám ta ilaiwa/amér konká.

Filipi 1:22

Ala án bar kumiít hotaango, pa/aangw u koóm oo gadiyeérí ngiwa alkoom tlehhtuuwo. Gawaá adoorihe ar ni tsawaar a xuaaká, slafiingw nee gwa'araro.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.