Tlehhema'aá ya/Abuuse 3:16 - Biblía Axweesantá Hhohho' ar Mungú 2004

¹⁶ Heewí kuungá' ta ga/eera' nee oo ta xua', heé inós gwa /uurií haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yésú daahh, adoorí kuungá' sleémeero kur ga/eera'.

Ya/abtór hho' 1977

¹⁶ Heewí kuungá' ta ga/eera' nee oo ta xua', heé inós gwa /uuruú i haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yesú daahh, adoorí kuungá' sleémero kur ga/eera'.

Tlehhema'aá ya/Abuuse 3:16 Iomraidhean Croise

Matayo 14:29

Yesu iri oó', «Qwaláng.» Petro iri aweér gawaá miringamoó wa ale, iri hi'iít ar gawaá daanduú ma'aay, as iwa amór Yesú kay.

Matayo 9:22

Yesu iri alií warqáy, gari ár, gari báy, «Mune hhe'eés, dasir'eé', haratlintaaoorók iga hungu/ús.» Siiwadár kilae /ameenidá' iri hungú/.

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Yohana 7:23

Ala hee bir harín al/utlooro bál deelór Sabaátoro, as hara'ayár Mose makawa sií', ala án kuungá' adór ir i buhhaabuhha' a adoomá, bar hee una hungu/uús deelór Sabaátoro.

Tlehhema'aá ya/Abuuse 14:9

Heewí Paulo guna iiárií qamín qoomár iwa axweesi. Paulo heedaádá' guri ilií duxún, guri tsaáhh adór haratlintaaór gu hungu/uus ngir kón.

Tlehhema'aá ya/Abuuse 16:18

Adoorí gari tlehhít deelór yaariire. Ala Paulo iri gurhaamuút, iri alií warqáy, neetlangwdá' guri báy, «Aníng kuúng u báw ar umuú Yesu Kristo, ti'iít baraá lawaalo'oorihe.» Neetlangwdá' iri ti'iít siiwadár kilae.

Tlehhema'aá ya/Abuuse 3:6

Ala Petro iri oó', «Aníng peésa a koomaaká, laqaá sahaábu, ala tidá' aníng ni koom an tidá' ni haniis. Ar umuú Yesu Kristo oo Nasareti, sihhiít, tláw.»

Tlehhema'aá ya/Abuuse 3:8

Heedaádá' niri yaamuú wa /akuút ar gaanslaay, iri sihhiít, iri hi'imiít. Tari aldáh baraá Doó Mungú nee Petro nee Yohane, iri hi'iimiít iri ni/ín, Mungú guri diidi'iimiís.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Tlehhema'aá ya/Abuuse 4:7

Petro nee Yohane kiri tla/angw'ín i sihhitís, kiri yaahamiís, kiri báy, «Kuungá' muruuwí /uuruú kur tlehhita' a /uuruú heemá, nee ar umuú heemá?»

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.