Tlehhema'aá ya/Abuuse 28:7 - Biblía Axweesantá Hhohho' ar Mungú 2004

⁷ Didá' tseewe qamukaari i dayá' awa heé úr oo yaamuudá', umuuwós a Publio. Heewí tina dahi'ís ar mulqi'iima, har deelo tame atén tari dahaayeerós.

Ya/abtór hho' 1977

⁷ Didá' tseewe qamukaari i dayá' awa heé úr oo yaamuudá', umuuwós a Publio. Heewí tina dahi'ís ar muunuú mulqi'iima, tari dahaayeerós tleehhitaán deelo tame.

Tlehhema'aá ya/Abuuse 28:7 Iomraidhean Croise

Tlehhema'aá ya/Abuuse 13:7

Heewí i dinkwa nee ga/aawusmooko ta bay Sergio Paulo. Ga/aawusmoowí a heé fuqurángw koóm. Ga/aawusmoowí Barnaba nee Saulo giri ateét amoorós i aleeró, Ya/abtór Mungú ngiwa axaasár wa slai.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 23:24

Iri oó', «Faras amohhe'eesaak as Paulo kuwa tsa/aasi nee kuwa hardahasa' ar saxareema ay amór Felisi, ga/aawusmoó waawutmoó múk Roma.»

Tlehhema'aá ya/Abuuse 28:2

Múk yaamuudá' tiri wa hhooáy. Qoomaadae tluwaay i tluuw nee tsaaqwa i ló'wa deer, inooín asla kari oohiís, atén tiri dahi'isiyé'.

Tlehhema'aá ya/Abuuse 28:6

Inooín geera ka xui in xir'iit, laqaá i yaamií huu' nee iri gwaa' ar gaanslaay. Kuri ló'wa daamarán naxés gár gwa eer iwa káhh, inslawoó muner'ín iri warqáy, tari káh, «Inós a mungú.»

Tlehhema'aá ya/Abuuse 28:8

Qoomaadae baabuú Publio i tiiq ga/atanto, nee i tseerdaá gusín. Paulo iri amoorós i dáh, iri firín, guri dabaawós i qaás, guri hungu/uús.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.