Tlehhema'aá ya/Abuuse 28:28 - Biblía Axweesantá Hhohho' ar Mungú 2004

²⁸ «Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

Ya/abtór hho' 1977

²⁸ “Ala kuungá' xuaak gídaabá Ya/abtór Mungú ar daanduú ba/ama kaa huúw amór xoordaá hatlá', nee inooín ka iiár i qaas.” [

Tlehhema'aá ya/Abuuse 28:28 Iomraidhean Croise

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

ESEKIELI 36:32

Ala xuaak, adoorí a tleehhaaká as kuungá'. Anuú Aakoó MUNGÚ tí aga oó'. Múk Israeli gimsé', muruuté' nee ta amoqwaqwadiindá' asma tlehhmi'iihúng kudá' tlakw.

Luka 3:6

Nee umuúqo muko ba/amár Mungú kan ar.› »

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 13:38

Hhaee'eé', atén ngin kuungá' i alki/iitaán, ar heewihe kuungá' gurtleemuú tlakweema u sleerá'.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:14

Simeon ngaa alki/iít dirén i alé adór Mungú iimír iimu/uungo múk xoordu ngura sa daawimiít, as mukko nguwa tsawaár baraá tla/angw'ine as tawa mukós.

Tlehhema'aá ya/Abuuse 15:17

Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Tlehhema'aá ya/Abuuse 2:14

Petro iri sihhiít dinkwa nee ya/abuuseedá' mibaá nee wak, iri tseé' ar afór ur iri oó', «Kuungá' múk Yahudi, nee kuungaásingaá sleémeero baraaká' Yerusalemúr hootá', axweesanay'eé' kwí iiárií qaasaak. /Aymuuwí xuaak,

Tlehhema'aá ya/Abuuse 22:21

Aluuwo aníng iri báy, ‹Tláw, aníng kuúng u amór saáwí ya/aáw, amór múk xoordaá hatlá'.› »

Tlehhema'aá ya/Abuuse 28:29

Adoodá' ooaro ngiwa hhe'eés, múk Yahudi iri diya/aát, muruú yaariire tiri kilooín yaahamisiyé'.]

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 11:11

Gawaá adoorihe aníng an yaahaás, xáy inooín tana dukuútsi as tawa huui? Aasla'áy, a adoosingeeká. Ala múk Israeli iwa huú', ba/ama niri hardát dír múk xoordaá hatlá'. Adoorí ina tleehharút as kahhó' múk Israeli gur'e nguwa ohiin.

Rumi 4:11

Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari.