Tlehhema'aá ya/Abuuse 28:21 - Biblía Axweesantá Hhohho' ar Mungú 2004

²¹ Inós kuri báy, «Atén barwár kangók koom aga slawaaniiká, ar amór yaamaá Yudeár daahh. Ala tam hhiyoó wák oo naa amoorí hardah i kaahh, oo kangók ngwa oo', laqaá oo /aymuú tlaákw ngwa oo' daanduuwoge.

Ya/abtór hho' 1977

²¹ Inós kuri báy, “Atén barwár iidíguuwók koom aga slawaaniiká, ar amór yaamaá Yudeár daahh. Ala tam hhiyoó wák oo naa amoorí hardah i kaahh, oo iidíguuwók ngwa oo', laqaá oo /aymuú tlaákw ngwa oo' daanduuwoge.

Tlehhema'aá ya/Abuuse 28:21 Iomraidhean Croise

TI'INAANGW 11:7

Ala baraá múk Israeliwo tam seeoó gi i hhuheliím i kaahh, laqaá makay'ín, as kahhó' kuungá' kawa tsahha' adór aníng múk Israeli ngura paraátl dír múk Misriro.› »

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 28:14

Hhae kay amoodá' i awaán. Atén tiri ló'wa firiné' tawa al iwiwiitaan nee inooín deelo faanqwe. Nee aluudae tari hardahaán baraá yaamaá Roma.

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.