Tlehhema'aá ya/Abuuse 28:18 - Biblía Axweesantá Hhohho' ar Mungú 2004

¹⁸ Nee inooín aníng yaahamisuuwo tiwa hhe'eés, tina slaá' tiwa gweeri, asma gár naa tleéhh i káhh ar tis gaasi.

Ya/abtór hho' 1977

¹⁸ Nee inooín aníng yaahamisuuwo tiwa hhe'eés, tina slaá' tiwa gweeri, asma gár naa tleéhh i káhh ar tis gaasi.

Tlehhema'aá ya/Abuuse 28:18 Iomraidhean Croise

Tlehhema'aá ya/Abuuse 22:30

Geeraharusmoodá' úr gár Paulo kusa sakwasleemuút nee múk Yahudi gari xu'utír wa slaá'. Gawaá adoorihe looaytleérós Paulo guri gweér. Kaahamuusér uren ar Mungú nee bariisér doó kwasleema sleémeero gari ateét. Paulo guri leéhh, guri dír geeraaíní huúw.

Tlehhema'aá ya/Abuuse 23:29

Aníng ana tsaáhh adór inós gár tlaakw aa tleéhh ir káhh ar gwa'arár wa hariim, laqaá tam tseegamo. Ala gár kuwa sakwasleemuút a garka tiwa slaslay'aaká baraá daber'ine.

Tlehhema'aá ya/Abuuse 24:10

Ga/aawusmo Paulo guri dákw i laqán as Paulo iwa ilawatsi. Paulo iri oó', «Aníng an axweés ar qwala/, asma ngiwa xuú' adór kuúng tara tlík kwasleema tlaquwo baraá xooroorihe.

Tlehhema'aá ya/Abuuse 24:22

Felisi kángw Mungú gu xu'uti hhe'ees. Gawaá adoorihe deelór kwasleema gari surkuús, iri oó', «Lisia, geeraharusmoó úr oo askaári birna amoorí /eét, aníng kangwhúng ngu tsaát.»

Tlehhema'aá ya/Abuuse 25:25

Ala aníng ana tsaáhh adór gár tlaakw aa tleéhh ir káhh ar gwa'arár wa hariim. Slám inós waarahhamaá amór waawutmoó múk Roma ngiwa firín, aníng ana slaá' nguwa amoorósí huuw.