Tlehhema'aá ya/Abuuse 28:15 - Biblía Axweesantá Hhohho' ar Mungú 2004

¹⁵ Amoodae hhae kangwrén nguna axaasiyé', atén tiri al'ayé' dirka mura' kuwa weerimaamisi ar ta bay Apio, nee dirka ta bay «Maraá tám awa /ayma.» Paulo hhae ngiwa ár, Mungú guri sluufiís, iri gurkwaá/.

Ya/abtór hho' 1977

¹⁵ Amoodae hhae iidíguurén ngwa axaasiyé', atén tiri al'ayé' amór dirka mura' kuwa weerimaamisi ar ta babay Apio, nee dirka ta babay “Maraá tám awa /ayma.” Paulo hhae ngiwa ár, Mungú guri sluufiís, iri qwalaá/.

Tlehhema'aá ya/Abuuse 28:15 Iomraidhean Croise

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

TI'INAANGW 4:14

Aluuwo AAKOÓ MUNGÚ Mose guri i buúhh, guri báy, «Ahaá Aroni hhiyaawók kuduú tlahhoó Laáwi i káhhi? Inós axweesani ga asláy. Qaytsiít, inós hám u al'áy. Qoomár inós kuúng bura ár, muunaáwós iri qwalaa/.

Yohana 12:13

Haleemaá slaansla kiri taataáhh, tari tsee/ií ti'iít as kuwa al'ay. Tari tsimahhuús ar afór ur, ta kaahi, «Hosana, i xirfuuti kudá' hardáh ar umuú Aako, Waawutmoó múk Israeli.»

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 10:23

Petro mukdá' guri baraádií dahaás ar qwala/, baalaadae giri deeliís. Looaytleérós Petro iri tláy dinkwa nee mukdá', nee hhaeekaari gixsár Yopár hootá' tiri alkoné' sleémeero.

Tlehhema'aá ya/Abuuse 10:25

Petro iwa dáh, Kornelio nina al'awín iri tumbarara'aát dír geeraawós i alé.

Tlehhema'aá ya/Abuuse 11:1

Ya/abuuse nee hhae awa baraá yaamaá Yudea kaangwí nguna slayé', adór múk xoordaá hatlá' sleeme axweesantá Mungú kara ilaaóh.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Tlehhema'aá ya/Abuuse 28:14

Hhae kay amoodá' i awaán. Atén tiri ló'wa firiné' tawa al iwiwiitaan nee inooín deelo faanqwe. Nee aluudae tari hardahaán baraá yaamaá Roma.

Rumi 15:24

Gawaá adoorihe hamí aníng ni dirhúng ar waaraáhh, qoomár án bar yaamaá Spaniár káw. Asma aníng gár ni slaa' a kuungá' nun ár baraá aaiieene, as aníng niwa qwalalaa/ dinkwa nee kuungá' har qoomár niinawe. Nee slám a haraxuú' kuungá' aníng i alee/isá' niwa kumiit baraá aaiieene.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

Galatia 4:14

Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

1 Tesalonike 3:7

Gawaá adoorihe, hháe, atén tam baraá slahha'amaayér úr i diriiana, ala kángw haratlintaaorhúng atén taa ló'wa gurkwa/ás.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.