Tlehhema'aá ya/Abuuse 28:14 - Biblía Axweesantá Hhohho' ar Mungú 2004

¹⁴ Hhae kay amoodá' i awaán. Atén tiri ló'wa firiné' tawa al iwiwiitaan nee inooín deelo faanqwe. Nee aluudae tari hardahaán baraá yaamaá Roma.

Ya/abtór hho' 1977

¹⁴ Hhae kay amoodá' i awaán. Atén tiri ló' wa firiné' tawa al iwiwiitaan nee inooín deelo faanqw. Nee aluudae tari hardahaán baraá yaamaá Rumi.

Tlehhema'aá ya/Abuuse 28:14 Iomraidhean Croise

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

WARA'AMI 119:63

Aníng a mulqumoó kudá' sleémeero kuúng u ilaiwawa/á', nee awa hara'ayaarók ngi ohiimá'.

Matayo 10:11

«Umuúqo gixsaro laqaá yaamuwo awa ta i hardata'a, heé inkihhím leelehhaak, ta dír do'ós wa hotá' ay dír ti tleera'.

Yohana 21:23

/Aymuuwí iri tsiyayaxaát dír tla/ángw hhaeewo, kudá' káh, «Eeharusmoodá' i gwaaiiká.» Ala Yesu aa ooiiká, «I gwaaiiká,» ala ina oó', «Án barnaxes a slaá' kwí iwa slafi ay dír án ni kii/, gár kuúng u huuw a milá?»

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 20:6

Atén ana Filipír wa tlawaán ar baraá tlawi, deeloodá' ur ar Mikaátér taa sluuftisiiká iwa waaráhh. Deelo kooán iwa waaráhh kiri Troár i awaán. Tari didá' wa hootaán deelo faanqwe.

Tlehhema'aá ya/Abuuse 21:4

Eeharuuse kari slawaán amoodae, tari dir'ín wa hootaán deelo faanqw. Inooín Paulo ar /uuruú Qeeruú hhoohhoó' oo Munguhe kuri ádbabáy as Yerusalemu mingiwa káy.

Tlehhema'aá ya/Abuuse 28:13

Tawa didá' wa tlawaán, tay hardahaán dír gixsár ta bay Regio. Looaytleérós fur'ár baskwá daahh iri fukukueeliín, nee bál tsár tari hardahaán dír gixsár ta bay Puteoli.

Tlehhema'aá ya/Abuuse 28:15

Amoodae hhae kangwrén nguna axaasiyé', atén tiri al'ayé' dirka mura' kuwa weerimaamisi ar ta bay Apio, nee dirka ta bay «Maraá tám awa /ayma.» Paulo hhae ngiwa ár, Mungú guri sluufiís, iri gurkwaá/.

Tlehhema'aá ya/Abuuse 28:21

Inós kuri báy, «Atén barwár kangók koom aga slawaaniiká, ar amór yaamaá Yudeár daahh. Ala tam hhiyoó wák oo naa amoorí hardah i kaahh, oo kangók ngwa oo', laqaá oo /aymuú tlaákw ngwa oo' daanduuwoge.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Tlehhema'aá ya/Abuuse 9:30

Qoomár hhae lama ngiwa slayé', Saulo kurir tláy, kuri haydohiís ay Kaisarea, as iwa kumiiti ay gixsár Tarso.

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.