Tlehhema'aá ya/Abuuse 27:29 - Biblía Axweesantá Hhohho' ar Mungú 2004

²⁹ Tari da'ayuút as miringamo iwa iisi'in gawaá tlaa/ár baraá tlawi. Tlaa/aá tsiyáhh awa miringamo ilaa/aro ngu aleeslaawá', kiri /aytiís baraá tlawi, awa taa tseék alaá miringamo. Tari firirín as looa niwa tleer.

Ya/abtór hho' 1977

²⁹ Tari da'ayuút gídaabá miringamo i iisi'ín gawaá tlaa/ár baraá tlawtí alé. Tlaa/aá tsiyáhh awa miringamo ilaa/aro ngu aleeslaawá', kiri /aytiís baraá tlawi, awa taa tseék alá miringamoó i alé. Tari fitlitlín looa iwa tleer.

Tlehhema'aá ya/Abuuse 27:29 Iomraidhean Croise

WARA'AMI 130:6

Aníng AAKOÓ MUNGÚ u ló'wa daamaraám, ta ak xuumuusér xweera matlaatle ngir daamaraanda, ta ak xuumuuse looatleemu ngur daamaraanda.

Tlehhema'aá ya/Abuuse 27:17

Miringamoodá' niiná kuwa hhe'eés tsa/aasaro, him'e kari waarahhaás ar baraá guruú miringamoodá' úr, kuri tseega hhe'eés as kuwa /aatleesi. Tari da'ayuút fur'a ngiwa huwahup ay dír afaá yaamaá Libya, ay dirka ma'aay kiwa niiná, didá' ta bay Sirti. Warqamaá uren awa fur'a baqamiingw kiri /aareés, as miringamo kuwa tseegisi nee fur'a.

Tlehhema'aá ya/Abuuse 27:26

Ala miringamoorén aqo kun huuw nee fur'a ay dír yaamuukaari kaahaar awa baraá tla/ángw tlawi, iri iisi'ín gawaadií alé.»

Tlehhema'aá ya/Abuuse 27:28

Tlaa/ano kuri tseék gawaá ságw hhutlmo, kuri /aytiís baraá tlawi, as saweemaá tlawi kiwa tsaahhi. Kari tsaáhh ar har afi qoomoó miíta mibeeri tsiyáhh. Siiwár niina iwa waaráhh, tay malé tlaa/anoó /aytiís, saweema kiri tsaáhh a miíta mibeeri tám.

Tlehhema'aá ya/Abuuse 27:30

Ala mukdá' baraá miringamoó wa gadiyuús iri guwoó slaá' as baraá miringamoó úr kiwa geexay. Miringamoodá' niiná kuri aweeriís baraá tlawi, adór múk tlaa/aá /aytisár slaá', kudá' miringamoó ilaa/aamá' amór ságw miringamoó wa ale.

DABE 28:67

Muunaawók daeero in háts umuú gár taqo aanda. Matlaatleero an o', ‹Uúw! Laarí iqo dáta!› Tsiindo birna xayé' an o', ‹Uúw! Laarí iqo tleéra!›

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.