Tlehhema'aá ya/Abuuse 27:24 - Biblía Axweesantá Hhohho' ar Mungú 2004

²⁴ iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

Ya/abtór hho' 1977

²⁴ iri báy, ‘Paulo, ma da'ayumitaar. Kuúng gár tuwa hariím an sihhít geerá waawutmoó múk Rumi. Nee qaytsiít, mukwí sleémeero oo aa'aá kaw dinkwa nee kuúng, Mungú ngwa kuúng i haniís.’

Tlehhema'aá ya/Abuuse 27:24 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

IIMU/UUNGW 30:27

Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

IIMU/UUNGW 39:5

Iimír Yosefu nguwa qaás tawa sageesihhtusmoó umuúqo gaaro baraá do'ose, AAKOÓ MUNGÚ doó Potifa guri tsuúq as Yosefu. Umuúqo gár i kona baraá do'o tam baraá qaymooro gari tsuúq.

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

1 WAAWITÁ 17:13

Eliya gari báy, «Ma da'ayumiitaar. Tláw adoodá' kara ó' tir tlehh. Ala parhhamtá niina ar mukaatmo geerií tleehhang ngi húp, daqaní kiíng nee garmaawók muruú /aymarhúng ku qasá'.

2 WAAWITÁ 6:16

Elisha iri oó', «Kuúng ma da'ayumiitaar, asma slaqwaruusér atén ta koomaan ka ur ta tiqá' nee inooín ti alkooma'a.»

YOBU 35:8

Tlakweemaá kuúng ta tlehhit, heé i slahh'eesiya' a heé adór kuúng, nee hotaawók awa ganaa'á', hee ngun tu/iyá'.

WA/AA/I 3:57

Uwa ateét ina haratsewuúr iri beér, «Ma da'ayumitaar!»

DANIELI 2:24

Danieli iri daqáy dír Arioko, kudaádá' taa qaás nee waawutmo as múk sageeloén oo yaamaá Babuloni nguwa tsu/i, guri báy, «Múk sageeloén oo Babuloni mu tsu/aar, án dahaasáng ay amór waawutmo, daqaní aníng tlataá waawutmo i waagweér.»

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

Matayo 10:18

Kuungá' tundu huuw dír geeraá ga/awuuse nee dír waawitá as aníng, asma lamabu'ungw'eé' kuwa dir'ín i oa', nee dír múk xoordaá hatlá'.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Yohana 11:9

Yesu iri oó', «Ahaá, looár tlaatla/aangw a mibaá nee tsáreéke? Hee bir hi'imiit tlaatla/aango dukutsmo gu tuuiiká. Asma gwa/aateemaá yaamu gi ga/áy.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 23:11

Xweeraadae Aako ina bihhaá Pauló i sihhiít guri báy, «Muuna hhe'eés, asma adoodá' kangw'eé' kura lamabu'uún baraá Yerusalemuro, un adoodár lamabu'uún sleeme baraá Romaro.»

Tlehhema'aá ya/Abuuse 25:11

Ala án bar ana dakuús, laqaá gár tlaakw ana tleéhh, ar aníng niwa hariim gwa'araro, gwa'ara a siasiaaká. Ala /aymuuwí iwa sakwasleemutiya' bar loeeká, heé aníng i dabaaín i qaás i kaahh. Kwasleemar'eé' i waarahh amór waawutmoó múk Roma.»

Tlehhema'aá ya/Abuuse 27:31

Paulo geeraharusmoó askaári guri báy, «Mukwí bir baraá miringamoó wa iwiwiitiiká, kuungá' a ba/aanda'aaká.»

Tlehhema'aá ya/Abuuse 27:37

Nee ateédá' baraá miringamoó i diriiá' a har tsiirér tsár nee mibeeraá faanqw nee lahhoó'.

Tlehhema'aá ya/Abuuse 27:42

Nee askaári gár aa slá', a mukdá' sleémeero taa tsegiít kuwa tsu/i, as tam oo wák dir'ine miwa waaraáhh ar baraá ma'aay ar qumburu/umit, iri goow.

Tlehhema'aá ya/Abuuse 27:44

Nee mukdá' aa meet, bahh'alé i tsa/an gawaá peehháy nee bahh'alé gawaá parhheemaá hatlá' awa miringamo. Gawaá adoorihe sleémeero tari yaamaá kaahaárí hardahaán ar saxareema.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Filemoni 1:22

Gár hatlá' a tí, dír hotaeé' amohhe'eeseek, asma aníng a harahhiíf, Mungú i alee/iis niwa amorhúngií hardah adoodá' kara firiindé' dír Munguhe.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,