Tlehhema'aá ya/Abuuse 27:20 - Biblía Axweesantá Hhohho' ar Mungú 2004

²⁰ Deelór yaariir iri waaráhh, tsee/amá nee tsatse/ ugwa araaniiká, nee fur'a iri lówa kumít ar /uuru. Tam alhhe'eesaywo harahhifór tawa ba/aman iri fák.

Ya/abtór hho' 1977

²⁰ Deelór yaariir iri waaráhh, tsee/amaá nee tsatse/ ugwa araaniiká, nee fur'a iri lówa kumít ar /uuru. Tam alhhe'eesaywo haraxu'utír tawa ba/aman iri fák.

Tlehhema'aá ya/Abuuse 27:20 Iomraidhean Croise

WARA'AMI 105:28

Mungú giwti gari huúw baraá Misri, yaamu niri giwiyé', ala múk Misri axweesantós kaa iialooeesiiká.

ISAYA 57:10

Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

YONA 1:4

Ala AAKOÓ MUNGÚ fur'ár ur gari ya/aáw baraá tláwtí ale, bambaaór ur iri hardát baraá tláwtí ale, miringamo guri lak geeqeér.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Tlehhema'aá ya/Abuuse 27:19

Bál tám xooslár miringamo kari kwakwaáhh baraá tlawi ar dabaaín awa kilá'.

Tlehhema'aá ya/Abuuse 27:21

Deelór yaariire tawa iwiiwiít ar qwari, Paulo iri tla/angw'íní sihhiít, iri oó', «Hhawaáte, qoomár aníng niwa oó' a tlawanaaká yaamaá Kretero alók ina iiárií qasé'. Muruuwí yaariír geera alók aa hhitiruutiiká nee aa qwaariiká.

2 korinto 11:25

Tina muúx sagaáwa tám wa ale nee múk Roma, ar hhara, nee tina tlaquút ar tlaa/e sagaáwa wake. Sagaáwa tám miringamo ina qeqtín baraá tlawto aníng ana hoót baraá ma'áy wa ale, xweera nee tlaatla/aango.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.