Tlehhema'aá ya/Abuuse 27:18 - Biblía Axweesantá Hhohho' ar Mungú 2004

¹⁸ Ala fur'a tina ló'wa daawitimís, looár na tleeri huwa kari kwakwaahhaán baraá tlawi as huwa kawa /aareesaan.

Ya/abtór hho' 1977

¹⁸ Ala fur'a tina ló'wa daawitimís. Gawaá adoorihe looaytleérós huwa kari kwakwaahhaán baraá tlawi as huwa kawa /aareesaan.

Tlehhema'aá ya/Abuuse 27:18 Iomraidhean Croise

WARA'AMI 107:27

Kina baraadá' wa kwaakwaáhh nari ta/maamitiyé' adór múk aa oonimiit, fuqurangw'ín oo hi'iitanór baraá ma'aay iri faák.

YONA 1:5

Ala mukdá' baraá miringamoó wa gadiyuús iri da'ayuút, umuú heewo munguúwós guri firín. Huuwadaá baraá miringamoó i diriiá' kiri kwakwaáhh baraá tlawi as miringamo iwa inslaahhuy. Qoomaadae Yona aa aweér baraá guruú baraay oo miringamo, iri baraadií qaát, gu'ute guri ót.

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Luka 12:23

Asma slafiingw a gár afhhamít ta muruú /aymaaro, nee slaqwa a gár afhhamít ta tsitaywo.

Luka 16:8

«Saayusmoodá' inkihhimu wásl taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/aateemaawo.

Tlehhema'aá ya/Abuuse 27:19

Bál tám xooslár miringamo kari kwakwaáhh baraá tlawi ar dabaaín awa kilá'.

Tlehhema'aá ya/Abuuse 27:38

Tawa aáx, angaáno kuri kwaáhh baraá tlawi, as iiloeema kiwa /aareesi baraá miringamoowo.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.