Tlehhema'aá ya/Abuuse 27:12 - Biblía Axweesantá Hhohho' ar Mungú 2004

¹² Ala didaádá' ta i dirii'i i hariindaaká hotaango qoomár tsaaqwaro. Gawaá adoorihe múk yaariír iri oó', «Gusé', waarahhamu bura aleeslawaán a waarahhaán ay Foiniki, as tawa hootaan qoomár tsaaqwaro.» Didá' an afaá tlawi awa yaamaá Krete. Diirí ina ganá' baskwá al /uwa, nee slám ina ganá' /iikwá al /uwa.

Ya/abtór hho' 1977

¹² Ala didaádá' ta i dirii'i i hariindaaká hotaango qoomár tsaaqwaaro. Gawaá adoorihe múk yaariír iri oó', “Gusé', waarahhamu bura aleeslawaán a waarahhaán ay Foiniki, as tawa hootaan qoomár tsaaqwaro.” Didá' an afaá tlawi awa yaamaá Krete. Diirí ina ganá' /iikwá al da/aáw; nee slám ina ganá' baskwá al da/aáw.

Tlehhema'aá ya/Abuuse 27:12 Iomraidhean Croise

WARA'AMI 107:30

Inooín tari qwalaá/ tlawi iwa xaslít, giri hardahaás didár yaamaá kaahaar ar ta kay.

Tlehhema'aá ya/Abuuse 2:11

múk Yahudi, nee múk hatlá' oo diínír Yahudi gaa eehar, múk Krete nee múk yaamaá Ma/arabu. Adoorí a adoomá kiwa axamiisaan tlehhma'aá waa/oo/amo awa Mungú kiwa axweesi ar tsifrirén.»

Tlehhema'aá ya/Abuuse 27:13

Qoomár fur'ár baskú daahh iwa iimu/uún fukukueeliingo ar tseegamis, tay ooaán daxta hardahamu u aleeslawaán as fur'aarí. Miringamo kuri gweér, tari tláy, tari kumiít ar afaá yaamaá Krete ar adoodá' taa aleesláy.

Tlehhema'aá ya/Abuuse 27:21

Deelór yaariire tawa iwiiwiít ar qwari, Paulo iri tla/angw'íní sihhiít, iri oó', «Hhawaáte, qoomár aníng niwa oó' a tlawanaaká yaamaá Kretero alók ina iiárií qasé'. Muruuwí yaariír geera alók aa hhitiruutiiká nee aa qwaariiká.

Tlehhema'aá ya/Abuuse 27:7

Ana tseegimamiisaán aaiiwo. Deelór yaariir kay hhe'eesaán, tari hardahaán gixsár Nido ar qitla. Fur'a tina ak il/aán, tari bihhaá yaamaá Krete oohaán, tawa waarahhaan ar Salmone.

Tlehhema'aá ya/Abuuse 27:8

Tari kumiitaán afaá tlawtár alé. Tari hardahaán ar slahha'amaayér yaariir dirka ta bay «Afaá tlawi awa Hhoohhoá'.» Diirí ka saweeká dír gixsár Lasearo.

Tito 1:12

Heé ayaaín, nee slám a aarusmooín oo kilá' ina oó', «Múk Krete a lamuuse umuúqo deelooro, inooín a makaá tlakw, slám a hheehhuuse nee a tli/uuse.»

Tito 1:5

Án kuúng una yaamaá Kretér i geexáw as gadiyeédá' aa met kawa alhhe'es, ak alé bariise kawa qas baraá umuúqo gixsaro, ar adoodá' aníng kuúng ura hara'ayiím.