Tlehhema'aá ya/Abuuse 27:1 - Biblía Axweesantá Hhohho' ar Mungú 2004

¹ Qoomár hara'aya kawa oó' tawa aa'aá kawaan ar baraá tlawi ay Italia. Paulo kunguri duúx, nee mukduú hatlá' taa tsegiít, kiri qaás dabaá heeko ta bay Yulio. Inós a geeraharusmoó daqtá askaárír múk Roma, daqtadá' ta bay «Daqtá Agusto.»

Ya/abtór hho' 1977

¹ Qoomár hara'aya kawa duúx gídaabá a aa'aá kawaán ar baraá tlawi ay Italia. Paulo kunguri duúx, nee múk hatlá' oo taa tsegiít, kiri qaás dabaá heeko ta babay Yulio. Inós a geeraharusmoó daqtá askaárír múk Rumi, daqtadá' ta babay “Daqtá Waawutmoó múk Rumi.”

Tlehhema'aá ya/Abuuse 27:1 Iomraidhean Croise

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

WA/AA/I 3:27

A gár hhoo' hee qitla nguwa intsaatsahhi, iimír masoombi'iimarose.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Luka 23:47

Nee geeraharusmoó askaári adoodá' ngiwa ár, Mungú guri xirfayeemiís iri oó', «Ar ló', heewí i dakuúsár konká.»

Luka 7:2

Lawaalmoó geeraharusmooko askaári i tiiq, i afkú bohoóngwí dirii'. Askaarmoodá' lawaalmoowós kudá' gu ló'wa slaa'.

Tlehhema'aá ya/Abuuse 10:1

De'emadaádae heeko i deer oo baraá gixsár Kaisarea. Umuuwós a Kornelio, geeraharusmoó slawtá ta bay, «Askaárír Italia.»

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 16:10

Paulo iigu'utudá' arto nguwa hhe'eés, hamtidár kilae tleemuú Makedonia kuri sla'aán, asma aga tsaahhaán ar ló' Mungú atén taa ateét, as Ya/abtór hho' kawa dir'íní alki/ituú awaan.

Tlehhema'aá ya/Abuuse 18:2

Amoodae heeko oo Yahudi guri ár, umuuwós ku bay Akila. Inós a heé taa yaamaá Pontór wa laqwaál. Inós nina hardáh yaamaá Italiár wa ale deeloodá' tseewe, dinkwa nee hareerós Priskila. Asma Klaudio hara'aya gana oó' múk Yahudi sleémeero iwa quutli baraá gixsár Romaro. Paulo iri hardáh dír dooín.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 21:32

Hamtidár kilae inós askaári gari ar tláy, nee geeraharuuser'ín, giri hara'aweér ar gaanslaay. Qoomár geeraharusmoodá' nguwa ariyé' nee askaári, Paulo kuri máy muxtaaro.

Tlehhema'aá ya/Abuuse 22:26

Geeraharusmoodá' adoorí ngiwa axaás, iri tláy, geeraharusmoodá' úr guri ádbeemuú áy kaangwihe, iri oó', «Adór ta tleehhamór wa sla' a adoomá? Baré heewí a heé Roma.»

Tlehhema'aá ya/Abuuse 23:11

Xweeraadae Aako ina bihhaá Pauló i sihhiít guri báy, «Muuna hhe'eés, asma adoodá' kangw'eé' kura lamabu'uún baraá Yerusalemuro, un adoodár lamabu'uún sleeme baraá Romaro.»

Tlehhema'aá ya/Abuuse 23:17

Paulo geeraharusmoó wák oo askaari guri ateét guri báy, «Garmaawí huweek amór geeraharusmoó úr oo askaári, asma gár i dirósí ooár wa slai i deer.»

Tlehhema'aá ya/Abuuse 24:23

Aluuwo Felisi geeraharusmooduú askaári guri báy, «Paulo xuumaak, ala mu ak xuumara', tam mulqeerós ma ila/aamara' bar ngu sagadiyús.»

Tlehhema'aá ya/Abuuse 25:12

Festo bariisér kwasleema ngiwa i axweés, Paulo guri báy, «Waarahhamuú amór waawutmoó múk Roma una slá', a daqeér amór waawutmoó múk Roma.»

Tlehhema'aá ya/Abuuse 25:25

Ala aníng ana tsaáhh adór gár tlaakw aa tleéhh ir káhh ar gwa'arár wa hariim. Slám inós waarahhamaá amór waawutmoó múk Roma ngiwa firín, aníng ana slaá' nguwa amoorósí huuw.

Tlehhema'aá ya/Abuuse 27:11

Ala geeraharusmoó askaári axweesanoó heé miringamoó madiít, nee daqaarmoó miringamo, guna axaamiís ta oo Paulowo.

Tlehhema'aá ya/Abuuse 27:43

Ala geeraharusmoó askaári Paulo guna ba/amisár wa slaá', askaáridá' gari ilaá/, adoodá' ta slai makawa tleéhh. Ala iri hara'ayín as mukdá' qumburu/umit gu aleesláw, tawa geerií /akumiiti baraá tlawi, nee ta yaamaá kaahaárí hardihi.

Tlehhema'aá ya/Abuuse 27:6

Didaádae geeraharusmoó askaari miringamo nguri sláy oo Aleksandriár daáhh. Miringamoodá' i Italiár káy. Atén tiri gawaadií tsa/aás

Tlehhema'aá ya/Abuuse 28:1

Tawa saxareemár hardahaán, kari tsaahhaán adór yaamuudá' kaahaar umuuwós tar Malta.

Tlehhema'aá ya/Abuuse 28:16

Tawa dahaán baraá yaamaá Roma, Paulo pa/aangw guri sláy oo iwa hooti dír doó inós tawa kilós, inós nee askaarmoodá' gu xuúm.

Ebrania 13:24

Geeraharuuserhúng sleémeero intsihhiisaak, dinkwa nee múk hhohhó' oo Mungú sleémeero. Hhaeedaádá' yaamaá Italiár dahhá' kuungá' nu intsihhiimisiyá'.