Tlehhema'aá ya/Abuuse 26:7 - Biblía Axweesantá Hhohho' ar Mungú 2004

⁷ Al'axweesantí tlahhi'iirén kudá' mibaá nee tsár sleémeero ngin daamaraná' ngiwa i hardihiya', tawa Munguú sluufmamiisi ar inkihhimu tlaatla/aangw nee xweeraawo. Waawutámo! Aníng gár tiwa sakwasleemuuti nee múk Yahudi a daanduú haraxu'utirí.

Ya/abtór hho' 1977

⁷ Al'axweesantí tlahhi'iirén kudá' mibá nee tsár sleémeero ngin daamaraná' ngiwa i hardahiya', tawa Mungú sluufimamiisi ar inkihhimu tlaatla/aangw nee xweeraawo. Waawútmo! Aníng gár tiwa sakwasleemuuti nee múk Yahudi a daanduú haraxu'utirí.

Tlehhema'aá ya/Abuuse 26:7 Iomraidhean Croise

ESRA 6:17

Inooín do'owí oo Mungú kuwa aldafin inooín ilahhooa awe tsiiruú wák kana haniís, gwaandaawe tsiire tsár, nee deeloó bee/aangw tsiire tsiyáhh as hingemisuú tlakweemaá múk Israeli sleémeero, nee gurtaawe mibaá nee tsár ar adoodá' faarór tlahh'aá xoorór Israeli i diri'iya'.

ESRA 8:35

Qoomaadae mukdá' sleémeero naa baraá looháy wa waatl, ilahhooár da/a kari haniís dír Munguú Israeli, awe mibaá nee tsár as xoorór Israeli sleémeero, nee gwaandaawe mibeeri gwaleél nee lahhoó', nee deeloó bee/aangw mibeeri faanqw nee faanqw, nee gurtaawe mibaá nee tsár as tawa ilahhooár tlakweema. Muruuwí sleémeero kuna ilahhooár da/tá wa haniís dír AAKOÓ MUNGÚ.

WARA'AMI 135:2

Kuungásingá' AAKOÓ MUNGÚ sagadiyuusá', AAKOÓ MUNGÚ xirfayeemisaak, nee awa baraá matla/ángw doó Munguúrén i diriiá'.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

Tlehhema'aá ya/Abuuse 24:15

Aníng a haraxu'utír koóm dír Munguhe, ar múk hhó' nee oo tlakwe tawa waaslee/i. Haraxu'utirí inooín sleeme ngi koná'.

Tlehhema'aá ya/Abuuse 26:2

«Kuúng waawutmo Agrípa! Dir'eene a gitse/aá ur asma án tiwa dír geeraawók wa aleekal/aam laarí baraá muruudá' sleémeero múk Yahudi aníng iwa sakwasleemuuti.

Tlehhema'aá ya/Abuuse 26:3

Asma tlehhma'aá yaariir nee yaahamisuú yaariír oo múk Yahudi kuúng u ló' wa xú'. Gawaá adoorihe án kuúng u firiím, án iiárií qaasáng ar qitla.

Tlehhema'aá ya/Abuuse 28:20

Ala gawaá adoorihe án kuungá' nuna ateét, iwa artá eera' nee tawa al'axweesaan. Asma aníng taa tseék ar pínguuwí as haraxu'utír múk Israeli.»

Filipi 3:11

Aníng masók harahhifo a koóm ar tiwa waaslee/atisi baraá múk aa qaátl wa ale.

1 Tesalonike 3:10

Xweera nee tlaatla/aango Mungú un ló'wa firiirimaán as gitsee/erhúng ngiwa malé araan, nee muruudá' aa /aaruy baraá haratlintaaorhunge kuwa /abeesaan.

1 Timoteo 5:5

Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.