Tlehhema'aá ya/Abuuse 26:5 - Biblía Axweesantá Hhohho' ar Mungú 2004

⁵ Inooín barka lamabu'úngw wa slaa', lamabu'uungo ka aleesláy asma iimír iimu/uungo aníng ana hoót adór heé Farisayo, kudá' hara'ayár diínirén gaa ló' wa eehar.

Ya/abtór hho' 1977

⁵ Inooín barka lamabu'úngw wa slaa', lamabu'uungo ka aleesláy gídaabá, iimír iimu/uungo aníng ana hoót adór heé Farisayo, kudá' hara'ayár diínirén gaa ló' wa eehaar ar gan'amu.

Tlehhema'aá ya/Abuuse 26:5 Iomraidhean Croise

Tlehhema'aá ya/Abuuse 15:5

Ala múk Farisayo bahh'alé, kudá' aa haratlintii', tari sihhiít tari oó', «A gár hariim múk xoordaá hatlá' kuwa al/uutli nee kuwa hara'ayin, hara'ayár Mose kawa eehari.»

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 23:6

Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 24:5

Asma heewí ugwa tsaahhaán adór tar heé ló'wa tlaákw. A heé tlaahhír huwahuúw baraá múk Yahudi sleémeero baraá yaamuwo. Nee hamí a geeraharusmoó mukdá' ta bay Nasarayo.