Tlehhema'aá ya/Abuuse 26:4 - Biblía Axweesantá Hhohho' ar Mungú 2004

⁴ «Múk Yahudi sleémeero ga xuu' aníng adór nira hoót iimír masoombi'iimar'eene. Ka xuu' iimír iimu/uungo adór nira baraá tla/ángw muk'ín wa hoót, nee baraá Yerusalemu.

Ya/abtór hho' 1977

⁴ “Múk Yahudi sleémeero ga xuu' aníng adór nira hoót iimír na/u'uumar'eene. Ka xuu' iimír iimu/uungo adór nira hoót baraá tla/ángw muk'ín wa ale, nee baraá Yerusalemu.

Tlehhema'aá ya/Abuuse 26:4 Iomraidhean Croise

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Galatia 1:13

Án ngi slaá' kuungá' kangw'eé' ugwa axsé', adór nira hoót qoomaadá' án tawa heé diínír Yahudi. Aníng múk kríshaanáy una ló'wa slahha'eemiís, tam guruueé' aa tlayká. Ilakaaharu una tleéhh as ngiwa qwaareesár wa slaa'.

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.