Tlehhema'aá ya/Abuuse 26:24 - Biblía Axweesantá Hhohho' ar Mungú 2004

²⁴ Paulo qoomár tiwa aleekal/an, Festo iri tseé' ar afór ur, iri oó', «Paúlo, kuúng aga slarhhamút, soómarók tisíng yaariir ugwa slarhhamuúr.»

Ya/abtór hho' 1977

²⁴ Paulo qoomár tiwa adoorí wa aleekal/an, Festo iri tseé' ar afór ur, iri oó', “Paúlo, kuúng aga slarhhamút, soomarók tisíng yaariir ugwa slarhhamuúr.”

Tlehhema'aá ya/Abuuse 26:24 Iomraidhean Croise

2 WAAWITÁ 9:11

Yehu iwa kií/ dír mukós, heé wák guri yaahaás, «Gám gaa a milá? Slarhhamaádá' gár i slai diroge?» Yehu giri mu/aywaáts, «Kuungá' gár i slai a xuá'.»

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

Marko 3:21

Múk dooín kaangw nguwa axaás tari tláy as kuwa oohi, asma ta kaahi, «Sagós aa hhitiruút.»

Yohana 7:15

Múk Yahudi tari waa/oo/amín tari oó', «Heewí sagalooár adór tí adór ngira sláy, inós bira soomuusiiká?»

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

Tlehhema'aá ya/Abuuse 22:1

«Hhaee'eé' nee baabi'iieene, án iiárií qaasaré', tiwa dír geeraahúng wa aleekal/aam.»

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Tlehhema'aá ya/Abuuse 24:27

Kureeraá tsár niwa waarahhiyé', Porkio Festo waawuti'iima gana kitángw Felísí wa óh. Felíki Paulo guri geexáy baraá tseegamo, as múk Yahudi nguwa ilaá hhó' i tleehhi.

Tlehhema'aá ya/Abuuse 26:11

Baraá maraá saaliingo daqtá yaariire múk Mungú una dae tlaáq ar muxta, as Yesu kuwa /ooslislin. Baraá buhhtaaeé' kudaá dakti'iimaro, inooín ina gusiisiím tam ay baraá gixsadaá ayeemaá hatlá'.»

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

2 korinto 5:13

Atén barnaxes aga slarhhamuutaán, ana slarhhamuutaán as Mungú. Laqaá barnaxes fuquraangw u koomaán, fuqurangwrén u koomaán as kuungá'.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.