Tlehhema'aá ya/Abuuse 26:20 - Biblía Axweesantá Hhohho' ar Mungú 2004

²⁰ Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Ya/abtór hho' 1977

²⁰ Án iidíguú Mungú una alki/iít har geeraawo dír múk Dameskír wa ale. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, ar gídaabá tawa hhu'u'un nee Mungú kuwa i warqay, nee tlehhema'aá nee hhu'u'uungw'ín ti slaawá' kiwa tleehhi.

Tlehhema'aá ya/Abuuse 26:20 Iomraidhean Croise

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

Matayo 3:2

«Hhu'u'umé', asma waawuti'iimár Mungú naa naká/.»

Matayo 3:8

Tlehhma'aá hhu'u'ungwhúng ngu laqaqamá' na tleehhaak.

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 6:12

Gawaá adoorihe Ya/abtór hho' kari alki/iít, as muu sleémeero iwa hhu'u'un.

Luka 1:16

Múk yaariír oo Israeli gu amór Aakoó Munguúíní ki/is.

Luka 13:3

Aasla'áy, án a kah, ala kuungá' bar hhu'u'uunda'aaká, a qwadá' adoosír kilár alé.

Luka 13:5

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Luka 15:7

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 15:19

Yakobo iri kumiít iri oó', «Gár án ni slaa' a tí, ‹Mukdaáduú xoordu Mungú gwa haratlintii' muwa slahh'eemisaán.

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 26:17

Án kuúng u tuú/ baraá dabaá múk Israeliwo, nee dabaá múk xoordaá hatlá', asma aníng kuúng un amor'íní ya/aáw.

Tlehhema'aá ya/Abuuse 26:19

«Gawaá adoorihe, waawutmo Agrípa, aníng iigu'utuudá' gawaá dooraá daáhh ugwa si'iiká.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Tlehhema'aá ya/Abuuse 9:35

Nee muu sleémeero oo baraá yaamaá Lidárí dirií' nee Saroni, Enea kuwa ár, Aako kuri haratlintií'.

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

2 korinto 3:16

Ala qoomár bar hee aa warqáy amór Aako, warqamoodá' kun sangw hingees.

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Geehhoeemaá 16:11

Munguú gawaá doori kuri /ooslislín as slahh'amuuín kudá', nee as um'idá' ngaa ohine', slám tlehhemi'ii'ín kudá' kaa hhu'u'unká.

Geehhoeemaá 2:21

Aníng pa/aangw una haniís dirós i alé as iwa hhu'u'uun. Ala fuqtós tidá' gaa sí' hhu'u'uungo.

Geehhoeemaá 2:5

Gawaá adoorihe, inslaweek didá' kuúng tawa hú', hhu'u'uúm, nee tlehhemi'iiwók kudá' geera ta tlehhahhit ki tléhh. Ala adoorí barnaxes aga tlehhiká, aníng niqo hardáh amoorók, nee aníng daqaní kitaangók kudá' tsaa'astá koóm u hingeés dirós tidá' i dirii'i, bar kuúng aga hhu'u'uundiiká.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.