Tlehhema'aá ya/Abuuse 26:14 - Biblía Axweesantá Hhohho' ar Mungú 2004

¹⁴ Sleémeero tari yaamií huhu'uumaán. Aníng afo ngiri axaás ar amor'eéní axwees ar tsifrír Ebrania, i kat, ‹Saúlo, Saúlo, ahaá waáy, án mihar slahh'eemís? A gár gawít diroge tawa slaqw nee aníng a adór heé laqwáy gu kal/aám.›

Ya/abtór hho' 1977

¹⁴ Sleémeero tari al slapimiitaán yaamu. Afoo ngiri axaás ar amor'eén i axwees ar tsifrír Ebrania, i kat, ‘Saúli, Saúli, ahaá waáy, án mihar gusisiín? A gár gawít diroge tawa slaqw nee aníng.’

Tlehhema'aá ya/Abuuse 26:14 Iomraidhean Croise

AXWEESANOÓ SAGALOOA 13:15

Heé inslawaay hhó' ku waatlakwees, Ala loohír múk inkihhimu wásl a hhituru'uumar'ín.

SEKARIA 12:2

I kaahi, «Ga/aaweek aníng Yerusalemu an adór xooslomoó difaáír oonitimis tleéhh dír muu sleémeero oo gaa harweeri. Nee gixsár Yerusalemu kan i haratláy tam gixsadaá Yuda sleeme.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

Tlehhema'aá ya/Abuuse 21:40

Qoomár kuwa pa/aángwí haniís, Paulo iri sihhiít gawaá gaangeefír do', yaamuloouuseedá' gari kuútl ar dawa. Tawa xaslmiít, iri amor'íní axweés ar tsifrír Ebrania, giri báy,

Tlehhema'aá ya/Abuuse 22:2

Kawa axaás i amor'ín axwees ar tsifrír Ebrania, tari xasliita hhe'eés. Aluuwo giri báy,

Tlehhema'aá ya/Abuuse 26:13

Waawutámo, qoomár tlaatla/aango án niwa loohír i dirii', gwa/aateemaá ur awa tsee/amá ba/a ina ár, i gawaá dooraá dahhiyá'. Gwa/aateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

Tlehhema'aá ya/Abuuse 26:15

Aníng niri oó', ‹Kuúng a heemá, Aáko?› Aako iri oó', ‹Aníng a Yesu, kudá' kuúng ta slahh'eemis.

Tlehhema'aá ya/Abuuse 9:7

Nee mukdá' nee Saulo ti alkoomá' tana sihhtanoórí xosl'omiít, asma afo ka axamiis, ala hee ku ga/ayká.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?