Tlehhema'aá ya/Abuuse 26:13 - Biblía Axweesantá Hhohho' ar Mungú 2004

¹³ Waawutámo, qoomár tlaatla/aango án niwa loohír i dirii', gwa/aateemaá ur awa tsee/amá ba/a ina ár, i gawaá dooraá dahhiyá'. Gwa/aateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

Ya/abtór hho' 1977

¹³ Waawútmo, án niwa loohír i dirii', qoomár tlaatla/aango, gwa/ateemaá ur awa tsee/amaá ba/a ina ár, i gawaá dooraá dahhiyá'. Gwa/ateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

Tlehhema'aá ya/Abuuse 26:13 Iomraidhean Croise

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

Matayo 17:2

Kalaywós iri geeraaín wa warqáy. Gitsee/awós niri gwa/aatiyé' adór tsee/amá. Inqwaruuwós iri ló'wa /awkuukúy, iri mirarií/.

Tlehhema'aá ya/Abuuse 22:6

«Qoomár niwa aa'aá kaw, niwa nakaá/ Damasko, qoomár looár lahhoó' gwa/aateemaá ur awa gawaá dooraá dahhá' niri gwa/aatiyé' ar gaanslaay bihhe sleémeero.

Tlehhema'aá ya/Abuuse 22:9

Mukdá' nee aníng ti al koomá', gwa/aateema kilooín kina ár, ala afór heedá' naa amor'eéní axwees kaa axaasiiká.

Tlehhema'aá ya/Abuuse 26:12

«Aníng baraá kaangwihe ana Damaskór káw sleeme. Niwa daqaw, kaahamuusér uren ar Mungú aleesleemu nee hara'ayaro kingina haniís.

Tlehhema'aá ya/Abuuse 26:14

Sleémeero tari yaamií huhu'uumaán. Aníng afo ngiri axaás ar amor'eéní axwees ar tsifrír Ebrania, i kat, ‹Saúlo, Saúlo, ahaá waáy, án mihar slahh'eemís? A gár gawít diroge tawa slaqw nee aníng a adór heé laqwáy gu kal/aám.›

Tlehhema'aá ya/Abuuse 9:3

Qoomár iwa aa'aá kay, iwa nakaá/ Damasko, naxes gwa/aateemaá gawaá dooraá dahhá' nguri adaá i gwa/aatiyé' bihhe sleémeerowo.

Geehhoeemaá 1:16

Nee baraá dakós oo doó /iyayhe i tsatse/uú faánqw kón, nee paángár afa xaraasl badu tsaraawo i baraá afkós wa ti'iimít. Slám gitsee/aawós i gwa/aatiyá' adór tsee/amuú qoomár siiree/i.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.