Tlehhema'aá ya/Abuuse 25:8 - Biblía Axweesantá Hhohho' ar Mungú 2004

⁸ Paulo iri oó', «Aníng hara'ayár múk Yahudi aga si'iiká, laqaá ar Doó Mungú, laqaá tam ar waawutmoó múk Roma.»

Ya/abtór hho' 1977

⁸ Paulo iri oó', “Aníng hara'ayár múk Yahudi aga sii'iiká, laqaá ar Doó Mungú, laqaá tam ar waawutmoó múk Rumi.”

Tlehhema'aá ya/Abuuse 25:8 Iomraidhean Croise

IIMU/UUNGW 40:15

Asma ar ló', án tina fiís baraá yaamaá múk Ebrania wa alé, slám baraá yaamukae gár tlaakw ar naa tleéhh i káhh, ar tiwa dahaasi baraá doó tseegmoórí ale.»

YEREMIA 37:18

Aluuwo Yeremia waawutmo Sedekia guri yaahaás, «Gám gár naa tlakweés diroge a milá? Laqaá sagadiyuuserók gár tlaakw ngay tleéhh a milá? Laqaá mukók kwí gár nguwa sadakuús? Ahaá misa tsék?

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 24:12

Mukwí aníng iga ariiká baraá Doó Munguhe niwa kaangaanuus, laqaá niwa tlaahhír qamiim baraá boo/aywo, tam baraá doó saaliingo, laqaá tam baraá gixsaro.

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 24:6

Nee Doó Mungú nguwa meetagaamiís, kuri oohaán. [Atén geeraawo una sakwasleemár wa sla'aán ar dabeerén.

Tlehhema'aá ya/Abuuse 25:10

Paulo iri oó', «Aníng aga sihhiít geeraá kitángw sakwasleema oo waawutmoó múk Roma, nee diirí an dír hariim sakwasleemar'eene. Kuúng a ló'wa xú' adór aníng múk Yahudi gár nguwa sadakuús ir káhh.

Tlehhema'aá ya/Abuuse 28:17

Alaá deelór tám iwa waaráhh, Paulo geeraharuusér múk Yahudi gari ateét as tiwa doogiya'. Tawa burumburiít, giri báy, «Hhaee'eé', aníng gár naa tleéhh i káhh, ar hariimaaká dír mukrene, nee tam uunuú baabi'iirén iga si'iiká. Ala tam adoorihe tina tseék Yerusalemú wa ale, tiri qaás baraá dabaá múk Roma.

Tlehhema'aá ya/Abuuse 28:21

Inós kuri báy, «Atén barwár kangók koom aga slawaaniiká, ar amór yaamaá Yudeár daahh. Ala tam hhiyoó wák oo naa amoorí hardah i kaahh, oo kangók ngwa oo', laqaá oo /aymuú tlaákw ngwa oo' daanduuwoge.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.