Tlehhema'aá ya/Abuuse 24:26 - Biblía Axweesantá Hhohho' ar Mungú 2004

²⁶ Felisi Paulo guri ateetín daqtá yaariire tawa axweesi, asma iwa slukumár slai.

Ya/abtór hho' 1977

²⁶ Ala Feliki Paulo guri ateetín daqtá yaarire tawa axweesi, asma iwa slukumár slai.

Tlehhema'aá ya/Abuuse 24:26 Iomraidhean Croise

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

YOBU 15:34

Kudá' sleémeero Mungú ngu da'ayuumita'aaká, na/ii ngi slay'aaká. Asla maraá múk slukmadaá /aa/aáy gi qororo'ós.

TI'INAANGW 23:8

Kuúng slukuma ma /ayaar, asma slukuma heé muruú tsatsahhaám gun iimi giwís, nee kwasleemár ganaa' ar hee gan hhitiín.

AXWEESANOÓ SAGALOOA 17:23

Heé tlaákw slukuma gan oh ar naaqo, as kahhó' tlehhmuú ganaá' oo hee kuwa warqeesi.

AXWEESANOÓ SAGALOOA 17:8

Slukuma a adór hirísi dír heé ga duxaxima, umuúqo amór i kaya gadaádá' i slai gan sláy.

AXWEESANOÓ SAGALOOA 19:6

Múk yaariír tin kilooín sla'atamamisiyá' dír geeraharuuse, nee umuúqo heewo ga slaa' tawa mulqumo dír heé múk /iimisa.

AXWEESANOÓ SAGALOOA 29:4

Waawutmo sakwasleemár ganaa' birngi tlehhiit, muu in kwaa/, ala waawutmoó slukmár /aáy muu gu hhaamiis.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

HOSEA 4:18

Inooín a adór múk aa xufiit, sleémeero naa kilooín /eetiyé' baraá fuqi muruú gi mureekeemiís ngu slaiyá' ta muruudá' gi xirfayeesa.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

Matayo 17:3

Inooín kiri harati'iít nee Mose nee Eliya. Yesu nee Mose nee Eliya tari axweés.

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.