Tlehhema'aá ya/Abuuse 24:16 - Biblía Axweesantá Hhohho' ar Mungú 2004

¹⁶ Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Ya/abtór hho' 1977

¹⁶ Gawaá adoorihe muunuúeé' un harmagagaáhh daqisleém, as kahhoó' ku hhoohhoó' geerá Munguhe nee geerá muko.

Tlehhema'aá ya/Abuuse 24:16 Iomraidhean Croise

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Rumi 2:15

Slafingw'ín ga laqaaqán adór muruudá' hara'aya i kat kura baraá muner'íní gooín. Asma tam muner'ín nee inslaway'ín adoorí ngi laqaaqaná'. Asma inslaway'ín oo kilá' inooín gin sakwasleemuut, laqaá gin aleekal/án.

Rumi 9:1

Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah,

1 Korinto 10:32

Kuungá' ma dukuutsmo tleehhitaara' dír múk Yahudiro, laqaá dír múk Yunaniro, laqaá tam dír múk kríshaanayhe,

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

1 Timoteo 1:19

Mungú haratlintatieek, nee afoodá' hho' ar baraá muunaáwók kawa eeharahat. Kumiít baraá haratlintaaooroge nee afoodá' hho' ar baraá muunaáwók na iiárií qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 3:9

Inooín masók intsaahhasadár ló' ar haratlintaaoorén, tidá' taa geehhooeés ngaa oohiyé' ar munér hho'.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

1 Petro 2:19

Daqaní Mungú kuungá' nu tsuuq, asma Mungú ku sla'atimis nee heé slahh'amu gu sa qiqtlaatliím as gan'amu. Heé qiqtliím as Mungú baraá slahh'amaayeedá' inós wa hariimaaká, inós ku tsuuq nee Mungú.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.