Tlehhema'aá ya/Abuuse 24:14 - Biblía Axweesantá Hhohho' ar Mungú 2004

¹⁴ Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Ya/abtór hho' 1977

¹⁴ Aníng aga ya/aám dír geeraawók wa ale gídaabá, Mungúduú baabi'iirén un haratlintatií' ar loohidá' ngiwa eeharahaar, tidá' inooín tawa kaahi a loohír lama. Nee an haratlintatií' tidá' sleémeero nee hara'ayár Musa ti slaslaawá', nee tidá' taa gooín baraá kitaaba'aá aaruuse.

Tlehhema'aá ya/Abuuse 24:14 Iomraidhean Croise

1 QOM'I 29:18

AAKOÓ MUNGÚ, Munguú baabi'iirén, Abrahamu nee Isaka nee Yakobo, adoorí mukók aa tleéhh tsuuqeek, nee munér inkihhimuú koom i kumaamit, nee munér mukók amoorók xu'usek.

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

Matayo 10:32

«Heé aníng iga lamabu'un dír geeraá muko, aníng inós u ya/aám dír geeraá Baabuúeé' kuduú gawaá dooriiwo.

Matayo 22:40

Hara'ayár Mose sleémeero nee gooír aaruuseero iimu/uungw'ín a hara'ayaarí tsár.»

Matayo 7:12

«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»

Luka 1:70

adoodaádá' ngira qaroó oó' ar afér aaruuseerós ar hhohho',

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Luka 16:29

«Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Tlehhema'aá ya/Abuuse 10:43

Kwí aaruuse sleémeero guna adoorír lamabu'uún, as kahhó' umuúqo heewo oo gwa haratlintii', tlakweemaawós kiwa gurtláy ar umuuwós.»

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 15:5

Ala múk Farisayo bahh'alé, kudá' aa haratlintii', tari sihhiít tari oó', «A gár hariim múk xoordaá hatlá' kuwa al/uutli nee kuwa hara'ayin, hara'ayár Mose kawa eehari.»

Tlehhema'aá ya/Abuuse 19:23

Qoomaadae tlaahhír yaariir niri ti'ít baraá yaamaá Efesoro, as daanduú loohír Aako.

Tlehhema'aá ya/Abuuse 19:9

Muu bahh'alé ku sage gawdén, tari sií' haratlintaaooro, loohír Aako kari /ooslislín geeraá boo/oó múk wa ale. Paulo inooín giri geexáy, eeharuuse gari paraátl. Gari ar tláy. Nee umuúqo deelooro iri intsaahhatimís baraá doó shuúlér heeko ta babay Tirano.

Tlehhema'aá ya/Abuuse 22:14

Aluuwo iri oó', ‹Munguú baabi'iirén kuúng ugwa tsawaár as sla'aarirós kawa tsahh, nee Kudá' Ganaá' kuwa aan, nee afoorós ar kilá' kawa axas.

Tlehhema'aá ya/Abuuse 24:22

Felisi kángw Mungú gu xu'uti hhe'ees. Gawaá adoorihe deelór kwasleema gari surkuús, iri oó', «Lisia, geeraharusmoó úr oo askaári birna amoorí /eét, aníng kangwhúng ngu tsaát.»

Tlehhema'aá ya/Abuuse 24:5

Asma heewí ugwa tsaahhaán adór tar heé ló'wa tlaákw. A heé tlaahhír huwahuúw baraá múk Yahudi sleémeero baraá yaamuwo. Nee hamí a geeraharusmoó mukdá' ta bay Nasarayo.

Tlehhema'aá ya/Abuuse 25:8

Paulo iri oó', «Aníng hara'ayár múk Yahudi aga si'iiká, laqaá ar Doó Mungú, laqaá tam ar waawutmoó múk Roma.»

Tlehhema'aá ya/Abuuse 26:22

Ala án Mungú ina alee/iís ay laarí. An gár nis sihhimiit diirí wa aleeró, múk urén nee oo ninakwe nguwa i lamabu'uum. Nee aníng /aymuú hatlá' oo ni oo' i kaahh, aqo har kudá' aaruuse nee Mosewo taa káh as iwa tleehharuuti.

Tlehhema'aá ya/Abuuse 26:27

Waawutmo Agrípa, kuúng aaruuse a haratlintía? Aníng a xuú' adór kar haratlintaatí'.»

Tlehhema'aá ya/Abuuse 26:4

«Múk Yahudi sleémeero ga xuu' aníng adór nira hoót iimír masoombi'iimar'eene. Ka xuu' iimír iimu/uungo adór nira baraá tla/ángw muk'ín wa hoót, nee baraá Yerusalemu.

Tlehhema'aá ya/Abuuse 26:6

Qaytsiít, án hamí a sihhimiít as tiwa sakwasleemuuti, asma al'axweesantadá' Mungú aa dír baabi'iiréní oó' ana harahhiíf.

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

Tlehhema'aá ya/Abuuse 7:32

‹Aníng a Munguú baabi'iiwók, Munguú Abrahamu nee oo Isaka nee oo Yakobo.› Mose iri daaraxaát, iri naá/ tam qaytaro.

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Rumi 3:21

Ala daxta loohír hatlá' kaa geehhooeés, ar Mungú hee ngur gan'amií harafaari. Gan'amuuwí ku slayká ar hara'aya. Gan'amuuwí an kudá' Mose nee aaruuse aáng naa lamabu'uné'.

1 Korinto 11:19

Asma a gár hariím daqooroó adoosíng niwa ti'iiti baraá tla/angwhunge, as mukdá' haratlintaaór ló' ga koóm iwa geehhoouy.

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

Tito 3:10

Heé partlitór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.