Tlehhema'aá ya/Abuuse 23:6 - Biblía Axweesantá Hhohho' ar Mungú 2004

⁶ Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Ya/abtór hho' 1977

⁶ Paulo ngiwa tsaáhh gidaabá baradae bahh'alé a múk Sadukayo nee bahh'alé a múk Farisayo, iri tseé' ar afór ur baraá doó kwasleemár wa ale, iri oó', “Hhaee'eé', aníng a heé Farisayo, garmoó heé Farisayo. Aníng tin sakwasleemuut asma haraxu'utír ni koom gídaabá, múk aa qaatl ku waaslee/atis.”

Tlehhema'aá ya/Abuuse 23:6 Iomraidhean Croise

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 22:23

Baalaadae múk Sadukayo, mukdá' káh waasle/ i kaahh, Yesu kuri i daqáy, kuri yaahaás,

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Tlehhema'aá ya/Abuuse 22:30

Geeraharusmoodá' úr gár Paulo kusa sakwasleemuút nee múk Yahudi gari xu'utír wa slaá'. Gawaá adoorihe looaytleérós Paulo guri gweér. Kaahamuusér uren ar Mungú nee bariisér doó kwasleema sleémeero gari ateét. Paulo guri leéhh, guri dír geeraaíní huúw.

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 23:15

Gimsé', kuungá' nee bariisér kwasleema geeraharusmoó úr oo askaári ádbawaak Paulo nguwa amoorí ar /eeti matlo. Baré kwaáo' kangós un alqaytsitár wa sla'á'. Daqaní atén u loohír wa giiraán, nguri gaasaán.»

Tlehhema'aá ya/Abuuse 23:20

Garmaadá' iri oó', «Múk Yahudi taa al'axweés kuúng tuwa firin as Paulo kuwa baráy ar /eeti matlo, nee kuwa qaasi dír geeraá kwasleema. Baré kwaáo' kangós ngun kángw kilá' wa alqaytsitár wa slaiyá'.

Tlehhema'aá ya/Abuuse 23:7

Adoorí ooaro ngiwa hhe'eés, múk Farisayo nee múk Sadukayo tari kaa/uús, boo/aydá' tiri afo dakumiís.

Tlehhema'aá ya/Abuuse 24:15

Aníng a haraxu'utír koóm dír Munguhe, ar múk hhó' nee oo tlakwe tawa waaslee/i. Haraxu'utirí inooín sleeme ngi koná'.

Tlehhema'aá ya/Abuuse 24:21

Ala gár tindi ooi bir deer, aqo har /aymuudá' aníng naa tla/angw'ín wa tseé' ar afór ur, niwa oó', ‹Aníng laarí in sakwasleemutá' asma ngiwa haratlintatii' adór, múk aa qaatl ir waasleé/.› »

Tlehhema'aá ya/Abuuse 28:20

Ala gawaá adoorihe án kuungá' nuna ateét, iwa artá eera' nee tawa al'axweesaan. Asma aníng taa tseék ar pínguuwí as haraxu'utír múk Israeli.»

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.